Skip to main content

Posts

Showing posts from December, 2010

2011 වසර සඳහා මොසිලා/ගුගල් කැලැන්ඩරය... හරිද බලන්න

පසුගිය දෙවසර තුළදීම නිකුත් කළ ශ්‍රී ලංකාව සඳහා දිනදර්ශනය මෙවර කලින්ම දාන්නයි හදන්නේ.
Mozilla ආයතනය මඟින් නිකුත් කෙරෙන මෘදුකාංග තුළදි (Thunderbird, SeaMonkey) මෙම දිනදර්ශනය භාවිත කිරීමට නියමිත වුවත් ගුගල් දිනදර්ශනයක් ලෙස ද ඔබේ අනෙකුත් මෘදුකාංග හරහා එනම් Microsoft Outlook වැනි දැ සමඟද භාවිත කළ හැක.

මෙවර නිවාඩු දින වලට අමතරව මෙම දිනදර්ශනයේ වෙනත් වැදගත් දින ඇතුලත්ව ඇත. උදා: ලෝක පරිසර දිනය, නිදහස් මෘදුකාංග දිනය, මිහිකත දිනය, මව්වරුන්ගේ දිනය, පියවරුන්ගේ දිනය...

අමතරව එක් කළ දින සඳහා ලබාගත් මූලාශ්‍රය 100% නිවැරදිදැයි සැකයක් ඇති නිසා මොසිලා වෙත නිකුත් කිරීමට පෙර පිරික්සීමට තීරණය කළා.

තවත් වැදගත් යැයි හැගෙන දින ඇත්නම් දන්වන්න. මෙලෙස මෙම දින එක් කළේ පාසැල් දරුනවන්ට හෝ වෙනත් අයෙකුට වැදගත් යැයි හැගුණු නිසයි.

කෙසෙවෙතත් ඔබ මෘදුකාංගයක් හරහා (අදාල ගොනු පිරික්සිමෙන් පසුව දෙන්නම්) භාවිත කරන විට Holiday only ලෙස තේරිමෙන් අමතර දින දිස්වීම නතර කළ හැක.


අදාල ics ගොනුව.
http://snavin.fedorapeople.org/SriLanka_Calendar2009-2011.ics


නිදහසේ පණිවිඩය ගෙනයාමට පොස්ටර් තරගයක්!

අපි කව්රුත් දන්නවනේ ලංකාවේ නිදහස් සහ විවෘත මෘදුකාංග වලට තියෙන තැන. මේ ප්‍රචාරණ සඳහා තවමත් ලැබෙන දායකත්වය ප්‍රමාණවත් නැ. ඉතින් අද හවස නිකමට වගේ හිතුනා මෙම නිදහස් සහ විවෘත මෘදුකාංග ප්‍රචාණ කටයුතු සඳහාම ඉල්ලක්ක කරගෙන පොස්ටර් තරඟයක් තිබුනොත් හොදයි කියලා.

පාසැල්, උසස් අධ්‍යාපන ආයතන සහ විවෘත ලෙස අංශ තුනකින් කළා නම් හොදයි කියලා තමයි හිතෙන්නේ. මේක ලෙසි පහසු දෙයක් නෙමේ. පූර්ව ප්‍රචාරන කටයුතු, දිනන අයට තැගි දෙන්න, තරගෙන් නිදහස් සහ මෘදුකාංග ප්‍රචාරණය වගේ කාර්යය සඳහා සැලසුම් කරන්න වෙනවා.

පටන්ගන්නා දිනයක් තවම ස්තිරව නැතත් 2011 වසරේ පළමු කාර්තුව තුළ මෙය ක්‍රියාත්මක කිරීමට අදහසක් දැනට තියෙනවා.

ඉතින් නිදහස විදින් සහ එහි රසය තම මිතුරන්ට බෙදන්න කැමති අයට, නිදහස් අදහස් වලින් මෙම වැයම ශක්තිමත් කරන්න ඇරයුම්.

-----------------------------
පසුව එක් කළ කොටස:

මෙම ව්‍යාපෘතිය හුදෙක් නිදහස් සහ විවෘත මෘදුකාංග සාමාන්‍ය ජනයා අතරට ගෙනයාමට, ඒ ගැන අවබෝදයක් දීමට සහ ජනප්‍රිය කරවීම පිනිසයි!