Skip to main content

ඔහු ත්‍රස්තවාදියෙක් නොවේ!

සැයු:
මෙම සටහන කියවන්නට පෙර, මේ සටහන ලියා ඇත්තේ තවත් එක් සිවිල් වැසියකුගේ ජිවිතයක් පිළිබඳව වන අතර ඉන් කිසිදු අයුරකින් යුධහමුදා හෝ මෙරට යුද්ධයෙන් මියගිය හෝ අපවත්වුණු ජීවිත වලට අපහාසයක් කිරිමේ අඳහසින් නොවේ! අනේක විධ කරදර සහවේදනා සහිතව මිය ගිය සහ දැනට ජීවත් වන සියළු යුධහමුදා සාමාජිකයින්ට යුද්ධය අවසන් කිරීමේ ගෞරවය ලැබෙනව.


මා සමඟ රජයේ විශ්ව විද්‍යාලයකදි එකට ඉගෙන ගෙන උපාධිය අවසන් කළ යාලුවෙක් (විශ්ව විද්‍යාලයේ 'සෙත්තල්' නමින් ඔහු හැදින් වුණි) පසුවඋපාධි ධාරින් බදාවා ගැනීම යටතෙ ගුරුවරයෙකු ලෙස ශ්‍රී ලංකා රජයේ, අධ්‍යාපන අමාත්‍යාංශයේ ගුරුවරයෙකු ලෙස පත්වීමක් ලැබුවා.

ඉන් අනතුරුව 30 වසරක යුද්ධයේ අවසාන අධියරේදි මියගිය දමිළ වැසියන් අතරේ ඔහුත් මිය ගිය එක් සිවිල් වැසියෙක් වගේම රජයේ සේවකයෙක්. දැන් ඔහුගේ ඥාතින් ට හෝ දකුණේ ඔහු සමඟ එකට ඉගෙන ගත් 70කට අධික සිංහල සිංදුන්ට අයිතියක් නැත්ද? 

ඔහු ඔහු ත්‍රස්තවාදියෙක් නෙමේ!

(නමුත් මින් අදහස් වෙන්නෙ නැ විශ්ව විද්‍යාල හෝ වෙනත් උසස් අධ්‍යාපන ආයතන තුළ  අවම වශයෙන් එල්.ටි.ටි.ඊ ත්‍රස්තවාදි සංවිදානයට මතවාදීව සහාය දැක් වූ එකදු සිසුවෙකු නොසිටි බව.)

රජයේ හමුදාවලට එරෙහිව යුධ කළ සහ "රජයේ සේවයේ" පොළිසියේ සිය ගණනක් මරපු කරුණා අම්මාන් කොළඹ දේශපාලනය කරද්දි අහක බලාගෙන යන එකද වැරදි තමන්ගෙ නැති වුන අය සිහි කරන එකද වැරදි?

මතක තියාගන්න කරුණට සැප ගන්න වියදම් කළේ අපි හැමෝම.

මීට වසරකට පෙර  මියගිය ගම්පහ ආයුර්වේද පීඨයෙ පරිගණක අංශයේ සේවය මිතුරාත් මා සමඟ පාසළේ එකට ඉගෙන ගත් කෙනෙක්. එතකොට මම දුක්වෙන්න ඔනා සිංහල යාලුවා ගැන විතරද?
යුධ සමයෙ සිවිල් ජනතාව උතුරේත් දකුණේත් මිය ගියා.

අප දැන්වත් කළ යුතත්තේ  යළිත් වරක් 'අපේ රටේ' ලේ ගැලීමක් සිදු නොවීමට කටයුතු කිරීමයි. යළිත් යුද්ධයක් ආවොත් ජිවිත විනාශ වෙන්නෙ සාමාන්‍ය ජනතාවගෙ මිසක දේශපාලයින්ගෙ නෙමෙයි.


හමුදාව වෙනුවෙන්... අපෙන් වෙන්න ඔනා හමුදාවෙ රට වෙනුවෙන් දිවි දුන් සහ තම සාමාන්‍ය දිවිය ගත කරන්න බැරි උන හැම කෙනෙක්ගෙම දුදරුවන් ඇතුළු පවුලේ සුබ සිද්ධිය වෙනුවෙන් කටයුතු කිරීමයි. අවුරුදු 5කටත් වඩා කල් ගිහිල්ලත් අපි පෙළපාලි යන එක ගැන වාද කරන්න කළින් අදාල යුතුකම් ඉටුවෙද කියල හොයල බලන එක නේද වටින්නෙ. අඩුම ගානේ සෑම වසරකම මේ දිනෙ එද්දිවත් ඒ අයට අදාල වන්දි සහ සෞඛ්‍ය පහසුකම් දීලද කියල හොයන්න මතක් වෙනව නම් ලොකු දෙයක්. හමුදාවට හෝ පවතින රජයට අවශ්‍ය නම් ඒක සමරාවි.

මේ මගෙ පුද්ගලික අදහස.

ප.ළි:
මම සිංහලින් ලියන මේ සටහන වැරදිලා හරි දකියන්නෙ මමත් එක්ක එකට ඉගෙන ගත් සිංහල මිතුරන් පමණයි. දමිළ යාලුවො ඉස්සරහා වීරයෙක් වෙන්න අවශ්‍ය නැ ඉංග්‍රීසයෙන් ලියල. ඒවගේම ඒක උඩ බලාගෙන කෙල ගැහුව වෙනව වෙනත් රටවල අයත් පහසුවෙන් කියවන නිසා.

Comments

  1. මනුස්සකම සමරන්න දන්නෙ නෑ අපි තාම. සමරන්නෙ අමනුස්සකම. උතුරෙත් එහෙමයි දකුණෙත් එහෙමයි. අලුතින් හිතමු

    ReplyDelete
  2. //මතක තියාගන්න කරුණට සැප ගන්න වියදම් කළේ අපි හැමෝම.//
    හරි! කරුණා හිටිය කොටියෙක්. විග්නේෂ්වරන් හිටිය විනිසුරෙක්. හිටිය කොටියා අද දේශපාලන ප්‍රවාහයට එක්කහු වෙලා ප්‍රසිද්ධියේ පිළිගන්නවා ත්‍රස්තවාදය රටකට අවශ්‍ය නැති බව.. ඔහු නොබියව ප්‍රකාශ කරනව යුද්ධය හා සම්බන්ධ සියලු තොරතුරු සමහරු යට ගහන්න, විකෘති කරන්න හදන..නමුත් විග්නේෂ්වරන් තවමත් ත්‍රශ්වාදය වෙනුවෙන් පෙනී සිටිනවා..මේකෙන් අදහස් වෙන්නේ නැහැ මම කරුණා කොටියෙකු ලෙස ගත කල ජීවිතය සාධාරණීකරණය කරන බව..ආකල්පමය වෙනසක් ඔහුගේ වුණු බව පක්ෂ පාට භේදයෙන් තොරව පිළිගන්නට වෙනවා..ඒ වගේම යුද්ධ සැලසුම්වලදි ඔහුගෙන් ලද තොරතුරු නොවැදගත් වුණා කියලා පිටින් බලන ඔබටත් මටත් කියන්නට බැහැ..එසේම සිවිල් සමාජය හා ගැටෙමින් ත්‍රස්තවාදී ආකල්ප දරන්නෝ තවම උතුරේ ඉන්නවා..

    අනික් කාරණය කරුණාට සැප විඳින්න ඔබ වියදම් කළා වගේම ඔබත් මමත් අපේ වැඩිහිටියනුත් ඇතුළු සකල ශ්‍රී ලංකාවාසී හැමදෙනාම කොටි සංවිධානය තර කරන්නටත්, දියුණු කරවන්නටත් පිරිවැය දැරුවා.ඔවුන් පෝෂණය කොට මහා විනාශකාරි මිනීමරු සංවිධානයක් බවට පත්කළේ ප්‍රේමදාස, රනිල්, චන්ද්‍රිකා ඇතුළු දේශපාඥයෝ ඔවුන්ගේ බූදල්වලින් නොවෙයි..කොටි නිරපරාදේ විනාශ කල මහජන දේපල, මිනිස් ජීවිත අසීමාන්තිකයි, ඒ විනාශ වුණෙත් ඔබෙයි මගෙයි වත්කම තමයි..

    ReplyDelete
  3. L.T.T.E. කියන්නේ ත්‍රස්ත වාදීන්. අපි හැමෝම පිලිගන්නවා එක. එත් අදටත් ඔව්න් ලංකාව තුලදීම ඔවුන්ගේ විරුවන් සමරනවා. වගකිව යුත්තන් බලහ්ගෙන ඉදදීම. එක අපේ රනවිරුවන්ට කරන උපහාරයක්ද? ඇයි මේවා ගැන අපේ මිනිස්සු කතා කරන්නේ නැත්තේ?

    ReplyDelete
  4. රණවිරුවන් සමරනව කියල කරන්නෙ තමන්ගෙ දේශපාලනික වාසියට තම පුද්ගලික ප්‍රතීරුපය පිම්බීම.
    යුද්දයෙන් ජීවිත අහිමි වූ හෝ ආභාධිත වූ අයට ලැබුය යුතු වරප්‍රසාද සහ පහසුකම් ඒ පවුල් වලට සහ රණවිරුවන්ට මේ වෙද්දි දීල ඉවරද? වසරකට වරක් කෑගහන අය මේ ගැන හොයල බලනවද?

    ReplyDelete

Post a Comment

Popular posts from this blog

වේදනාත්මක නිහඬ බව

අපි ගොඩක් වෙලාවට නිස්කලන්ක, නිහඬ පරිසරයකට ආදරය කරනව. ඒ අත්දැකීම යළි යළිත් විදගන්න තරම් පෙරේත කමක් දක්වනව. නමුත් සමහර නිහඬ අවස්ථා ඉතාම වේදනාකාරයි. ඊයේ (2020 මාර්තු 14) රාත්‍රියේ  නින්දට ගිය පසු වරින් වර තාත්තව ඇහැරවන්න බැලුවේ, ඔහුට අවශ්‍ය බෙහෙත් සහ මුත්‍ර කිරීමට ඇවැසිදැයි පිරික්සීමටයි. වෙනදා "තාත්තේ චූ කරන්න ඔනද?" ඇසු විට "හා" කියා ප්‍රතිචාර දක්වන ඔහු ඊයේ රාත්‍රිය පුරාවට කිසිදු ප්‍රතිචාරයක් නොදක්වා නින්දේම සිටියා. අලුයම 3ටත් එලෙසමයි. අද උදේ දෙගිඩියාවෙන් මෙන් අවදි කළ පසුත් ඔහුගෙන් සුපුරුදු ලෙස "සුබ උදැසනක්" ප්‍රතිචාරයක් ලැබුනේ නැ. ඔව් දවසම තාත්ත ගොලුයි. ඉදහිට අසන ප්‍රශ්නයකට හිස සලයි. මගේ ජිවිතේටම තාත්ත කතා නොකර සිටි පලමු දවස අද. මේ වේදනාව වචනවලට පෙරලන්න දන්න කෙනෙක් ඉන්නවද මම නම් දන්නේ නැ. තාත්ත ඉස්සරහා එයාගේ ඇස් දිහා බලන් කිසිම දෙයක් නොවු විදියට තොර තෝංචියක් නැතිව කියෙව්වට අදත් මගේ බත් එකෙ කදුලු. අද මේ පිංතුරේ මතක් වුන නිසා අන්තර්ජාලේන් හොයල ගත්තා. මේ පිංතුරේ ඇත්තටම වෙන්නේ දියණියක් (අර්ධ වශයෙන් අංශභාගයට පත්) ඇගේ පියාට ඇවිදීමට සහාය වෙන පිංතූරයක

පරිගණක ආශ්‍රීත ව්‍යාපාර ලියාපදිංචියෙදි පොලිස් රිපෝර්ට් සහ හැක් කිරීමට ලියාපදිංචි වීම

පසුගිය දවසක මගේ මිතුරෙක්ට මෙන්න මේ අත්දැකීම විදගන්න ලැබුනා. 2018 දෙසැම්බර් මස ව්‍යාපාර ලියාපදිංචියක් සඳහා ඉදිරිපත් කළ අයදුම්පතට එච්ච දේ දැනගන්ට ඔහු ප්‍රාදේශීය ලේකම් කාර්යයාලයට ගිය විට අදාල අයදුම්පත යළි අතට ගන්නා සේවකයින් යුහුසුලුව කටයුතු කරන්නට ගන්නව. ඒ අතරෙදි මෙන්න මෙහෙම කතාවක් අවසානෙදි ඇහෙනව.. දැනට මෙරට අපණයන ආදායමින් සැලකිය යුතු මුදලක් ලැබෙන්නේ මෘදුකාංග සහ තොරතුරු තාක්ෂණ සේවා අපනයනය හරහා. මුදලින් ඇමරිකාණු ඩොලර් මිලියන 1000 කට අසාන්න අගයක් 2017 වසරෙදි තිබුනා. අපිට තව දුරටත් ගෘහසේවිකාවන්ගෙන් ලැබෙන විදේශ විනිමයෙන් හෝ සම්ප් ‍ රදායික අපණයන හරහා විදේශ විනිමය ගොඩ නගන්න බැ. ඒ නිසා රජයටත්, රජයේ සේවයේ ඉන්න ඉහළ නිළධාරින්ටත් තොරතුරු තාක්ෂණය හරහා ලබා ගත හැකි විදේශ විනිමය සහ එය වැඩි දියුණු කරගත හැකි ක් ‍ රමවේදයන් ගැන හිතන්න වෙනව. අපි මැණිකක් අපණයනය කරද්දි ලබන විදෙශ විනිමය සහ එක් ගෘහ සේවිකාවක් මෙරටට එවන මුදල සසදලා බලමු. මසකට එක් ගෘහ සේවිකාවක් මෙරටට එනව මුදල ඉතාම සුලු මුදලක් එක් මැණික් ගලක් සමඟ සැසදුවොත්. නමුත් මෙරටින් බැහැරව සේවය කරන ලක්‍ෂ ගණනක් වන ගෘහසේවික

හැමිල්ටෝනියන් මග

  හැමිල්ටෝනියන් මග/පෙත (Hamiltonian Path) එකක් කියන්නේ එක් ශ්‍රීර්ෂයක් මත එක් වරක් පමණක් ගමන් කරන යම්කිසි මඟපෙන්වීමක් සහිතව හෝ රහිත රේඛා සටහනක්, ගමන් මඟක්. හැමිල්ටෝනියන් චක්‍රය (Hamiltonian cycle) කියන්නේ, චක්‍රයක් වන හැමිල්ටෝනියන් මගක්. ප්‍රස්තාරයක එවැනි මගක් සහ චක්‍රයක් ඇතැයි තහවුරු කර ගැණීම  Hamiltonian path problem - හැමිල්ටෝනියන් මාර්ග ගැටලුව ලෙස හදුන්වයි. මේ ගැටලුව NP-Complete ගැටලුවක් වේ. හැමිල්ටෝනියන් මග සහ චක්‍රය අයර්ලන්ත ජාතික ගණිතඥයකු වන Sir William Rowan Hamilton (1805–1865) වෙනුවෙන් මෙය නම් කරලා තියෙනව.  1856 දි මොහු icosian game නැමැති ගණිතමය ක්‍රීඩාව නිමවනව. ඇත්තටම ඔහුගේ දායකත්වය භොතික විද්‍යාවට ඉතා වැදගත් සේ සලකනව. විද්‍යුත් චුම්බකනය (electromagnetism) වැනි ශාස්ත්‍රීය ක්ෂේත්‍ර න්‍යායන් (classical field theories) ගේ නවතම අධ්‍යනයන් සහ කොන්ටම් යාන්ත්‍රකය (quantum mechanics) සංවර්ධනයට මොහු විසින් හැමිල්ටෝනියානු යාන්ත්‍රකය ( Hamiltonian mechanics) මූලික වෙනව.   වැරදි තොරතුරක් ඇත්නම් නිවැරදි කිරීමට කාරුණික වන්න.  ඉතින් මේ සටහන ලියන්න හිතු