පරිවර්තන මැරතන් තරඟය - 2010 අප්‍රේල්

ඉතින් මීට කළින් සටහනක දැන් වූ පරිදි පරිවර්තන මැරතන් තරඟය 2010 අප්‍රේල් මස 27 දින රාත්‍රී 9.00ට ආරම්භ කළා. මෙය පසුදා රාත්‍රී 12.00 තෙක් පුරා පැය 27 ක් අඛණ්ඩව පැවැත් වුනා.

පාසැල් සිසුන්, ගුරුවරුන්, විශ්ව විද්‍යාල සිසුන්, තොරතුරු තාක්ෂණ අංශයේ වෘතිකයින්, රාජ්‍ය අංශයේ නිලධාරින් සහ කලා වැනි තොරතුරු තාක්ෂණ අංශයෙන් පරිබාහිර අය මෙන්ම මෙරටින් බැහැරව සිටින ශ්‍රී ලාංකිකයින්ද පරිවර්තන මැරතන් දුවන්න ගත්තා.

ඇත්තටම ලංකාවේ පැවැත් වූ පළමු පරිවර්තන මැරතන් තරඟය මෙයයි. එවගේම ලංකාවේ වැඩිම පිරිසක් එකවර ප්‍රජා ව්‍යපෘතියකට එක් වූ පළමූ අවස්ථාව ලෙසද මෙය ඉතිහාසගත වේ.



කල්හාර සහ අනුෂ්ක වැඩ (තාරක සහ බන්දුල පුෂ්පකුමාර මෙතන නැ)


රෑ නම් ඉතින් ෆොටෝ ගහන්න අපේ කාටවත් විවේකයක් තිබුනේ නැ. මැරතන් පටන්ගන්න උනේ විස්ටා මැසිමක් සහ ෆෙඩොරා මැසිමක් සමඟ. ලැබ් එකක් නිසා ඇතිවෙන්න මැසින්. ;-)
විස්ටා මැසිමේ ඉතින් පුදුම දුකක් වින්දේ. විජේසේකර කීබොඩ් එක නුහුරු කම ලොකු අවුලක්.

මොකද මට වතුර පාරක් වැදුනේ මැරතන් පටන්ගන්න සිටි 27දා හවස 2.00ට විතර. ආයේ මුකුත් නැ ලැප් එකටම වැදුන ලස්සනට.

කරන්න දෙයක් නැ හැකි ඉක්මනින් ලැප අනිත් පැත්ත හරවලා (වතුර ඇතුලට නොයන්න ඔනා නිසා) විදුලිය විසන්දි කළා. මේක වතුර පාරක් නෙමේ පොලු පාරක් වගේ තමා දැනුනේ. සියලු දත්ත වතුරේ යාවිද කියලා බයක් තමයි තිබුනේ.

කොහොමහරි කීබොඩ් එක අයින් කළාම දැක්කා එක තැනකින් ඇතුලට වතුර ගිය බව. මීට අමතරව ගලවන්න පුලුවන් උනේ DVD writer එක විතරයි. මොකද අවශ්‍ය මෙවලම් තිබුනේ නැ. කොහොම හරි පිහිදලා වායුසමීකරණ යන්ත්‍රයක් දාලා, ඒකට අමතරව තව ෆැන් එකකුත් ලංකරලා තිබ්බා.

කොළඹ සිට මැරතන් වැඩේට එදා රැ ගාලු එන්නයි සැලැස්ම ඉතින් මොනවා උනත් ඒ වැඩේ කරන්න ඔනා නිසා ලැපත් දාගෙන ආව. ඉතින් මැරතන් දුවන අතරේ අලුයමේ මැතරන් දුවන පිරිස 10ක් වගේ අඩු උනාම ලැපේ වැඩේ බැලුවා.



ඇත්තටම අනුෂ්ක විරයෙක් වගේ ඇණ ගලවන්න හැදුවත් (මොකද එයාගේ ලැප නෙමේ නේ මේ :D ) අපි මේ ලැපේ මොඩල් එකට අදාල සටහන් ලබා ගෙන අදාල පියවර අනුවයි ගැලෙව්වේ. (මොකද මැරතන් අතරේ කලන්තයක් වත් හැදුනොත්)



අවසානයේ ඉතිරි කැලීත් ගලවලා පිහිදල නැවත සවි කළා.

හැබැයි මේ වෙලාවේ අපි හිටිය සුමංගලෝදය විද්‍යාලයේ පරිගණක විද්‍යාගාරය නම් යුද්ධයක් වගේ. හැලෙන ඇණ අහුලන්න දුවනවා (කල්හාර අපි ලග හිටි නිසා ගලවන ඇණ බයටම දුවනවා ලැබ් එක වටේ..) IRC එකේ අහන ප්‍රශ්නවලට උත්තර දෙනවා ..

මොනා උනත් මුල් පාර ඇණ 5ක් ඉතිරි උනා ( HP එකට වැරදිලාවත්ද? )
මැනුවල් බලාගෙන ආයෙ උත්සාහ කළා අමතර ඇණ ගණන 2ට අඩු උනා.. ආයෙත් බැලුවා..
අවසානයේ ඔන්න ඇණ ඔක්කොම හයි කළා. අන්තිමට ලැපා වැඩ.


කැලනිය, මොරටුව සහ කොළඹ විශ්ව විද්‍යාල සිසුන් එක හුස්මට දුවයි..



තාරක ෆොටෝ ගහද්දි හෙඩ්ෆොන් එකත් ඇදලා අරන් දාගත්ත කියලයි අරුනෝද කීවේ..

ඉතින් මැරතන් දුවන්න කැලනිය, කොළඹ සහ මොරටුව විශ්ව විද්‍යාල සිසුන් අපිත් එක්ක එක් වුනා. මොරටුව විශ්ව විද්‍යාලීය ඉංජිනේරු පීඨයේ කල්ප, කෙහෙලිය සහ අකිලඇතුලත් කණ්ඩායමක් වගේම තොරතුරු ත්ක්‍ෂණ පීඨයේ සිසුවෙකුත් අපිට එක්වුනා. තරඟය සූදානම් කළ මුල් දින වල සිටම පහන් සහ චමිල කොළඹ විශ්ව විද්‍යාලයේ UCSC කණ්ඩායම එක් රැස් කරන්නට උනා. අන්තිමට පෝයට වහලා තිබ්බ ලැබ් එකත් ඇරව ගත්තා නොවැ.
(මෙය පහන් සහ චමිල මුදල් ගෙවා පළකල දැන් වීමකි.)
මීට අමතරව SLIIT, විවෘත විශ්ව විද්‍යාලය නියොජනය කරමින්ද සිසුන් දෙදෙනෙක් අපට එක් වුනා.

හෝටල් පාසැලක්?



-- සිනා බෝ වේවා!! --

පේනවා නේද ලස්සනට කෑම බෙදන හැටි. කොච්චර අපූරුද මේ සුහද සත්කාර. :)
මේ තියෙන්නේ MIT කට්ටියගේ සංග්‍රහ.

මෙන්න කැලනිය සරසවියේ MIT කණ්ඩායමෙන් ලැබුණු පිංතූර ටිකක්...






කව්ද කියන්නේ FOSS වලට කාන්තා දායකත්වය අඩුයි කියල ? :)





අරුනෝද.. කැලනියෙන් සෙනග අවශ්‍ය නම් මෙයාට කියන්න ;-)
CTB බස් වල එන අය නෙමේ :D






මේ පිංතුරෙට කියන්න තියෙන්නේ 'එළකිරි' කියලා තමා :)


නම් වශයෙන් සැමට ස්තුති කළ නොහැකි වුවුත් බොහෝ පිරිසක් සහාය දුන්නා. ඇත්තම කියනවා නම් අවම පහසුකම් මත තමයි හැමෝම වැඩ කළේ. ඒවගේම තමන්ගේ වියදමින්. ඉතින් අඩුපාඩු තිබුනත් මෙය එකිනෙකා අතර සුහදත්වය වර්දනය කරන කළ වැඩසටහනක් ලෙස මට නම් පුද්ගලිකව දැනුනා.
මෙන්න UCSC කණ්ඩායමෙන් කොටසක්...



මේ ඉන්නේ චමිල සහ පහන්..
චමිල මට (ලැපා නිසා මම ට්‍රැක් මාරු වෙලා හිටියේ) වඩා ආතතියකින් ඉදලද මන්දා
ඇඟපුතාම නුල් කැලි බැදගෙන..





මෙම වැඩසටහනේදි 10% ක එනම් වචන 46,000ක් ඉක්මවා පරිවර්තනය කිරීමට මේ මැරතන් කරුවන් දායක උනා. ඒ වගේම තවමත් සමහරු පරිවර්තනය කරමින් පවතිනවා.

මේ සටහන නිකුත් කරන මොහොත වන විට වචන 47307ක් පරිවර්තනය කර අවසන්.




ගන්නවා නම් දම්රෝ පුටුම ගන්න..



පේනවා නේද දම්රෝ පුටුවේ ශක්තිය.. කිලෝ 100 නෙමේ 200ක්ම දාන්න පුලුවන් ;-)

දවල් වෙද්දි අපේ අනුෂ්ක දොයි. :)
එක හොඳකට තියෙන්නේ නින්දෙන් ගොරවන්නේ නැ. ඇගේ හැටියට ගෙරෙව්ව නම් CRT එකත් පුපුරනවා. ;-)


ඉදිරියේදි මෙවැනි කටයුත්තක් යළි ආරම්ඹ කිරිමට අවශ්‍ය වේ. ඒවගේම මෙම පරිවර්තනයන්ගේ තත්ත්ව පාලන කටයුතු ගැනද ඉදිරියේදි පියවර ගැනීමට අප සුදානම් වනවා. ඉතින් ඔබත් අපට සහාය වනවා නම් කරුණාකර දන්වන්න.

නිදහස් සහ විවෘත මෘදුකාංග දේශීයකරණයට මා පිවිස සිව්වන වසරට පිවිසෙන මොහොතේ මෙවැනි විශාල දායකත්වයක් සහිත වැඩසටහනක් කිරීමට හැකි වීම පිළිබඳ ඇත්තටම සතුටුයි.
දේශීයකරණය කියන්නේ හඳට යන්න තරම් අමාරු විෂයක් නෙමේ. එක රැයකින් 50 දෙනෙකුට වඩා වැඩි පිරිසක් අපහා එක් වුනා ඒවගෙම ඉන් බහුතරයක් මීට පෙර දේශියකරණ ව්‍යපෘතියක නියැලී නැ.

ඉතින් මේ වැඩසටහනේ අඩුපාඩු අවම කරගෙන ඉදිරියේදි තවත් හොදින් තරඟ කිරිමට සූදානම් වෙමු! :)

ඔබට MS Office සඳහා කියන්න තියෙන්නේ මම මේක ස්තාපනය කරලා වැඩ කරලා තිබෙනවා කියලා. නමුත් අපත් සමඟ එක් වූ සැමට යම්කිසි දිනෙක ආඩම්බරෙන් කියන්න පලුවන් මමත් OpenOffice.org එකේ උදව් පිටු හදන්න දායක උනා කියලා. ඉතින් ලෝව පුරා ප්‍රසිද්ධ නිදහස් සහ විවෘත මෘදුකාංග ව්‍යාපෘතියකට දායකවිමට ඔබ තවමත් පමා නැ.

ස්තුතියි!