Skip to main content

කණ්ඩියපිටවැව නාලන්දාවට වල් අලින්ගෙන් තෑග්ගක්

පසුගිය කාලයේ රටවටේ විවිධ වැඩසටහන් සඳහා එක් වුවත් ඊයේ පෙරෙදා උන සිදු වීම නම් ලියන්නම ඔන කියල හිතුනා.

කණ්ඩියපිටවැව, නාලන්දා පාසලට පසුගිය ජූලි 19 දින ගියේ මීට පෙර කිසි දිනෙක නොදුට පිරිසක් සමඟ..


උදේ පාන්දර 3.30ට පමණ ගෙදරින් පිටත්වෙලා, වල් අලි කරදර වලින් දුක්විදින ජනතාවගෙ ජීවන තත්ත්වය උසස් කිරීමට සහාය වන Born Free Foundation ආයතනයේ මිතුරන් සමඟ   කොළඹදි එක් විමෙන් අනතුරුව බලංගොඩ තණමල්විම මාර්ගයේ ගමන් කරන කොට හම්බවෙන හම්බේගමුව ප්‍රාදේශීය ලේකම් කාර්යයාලයට අයත් ප්‍රදේශයට අපි ලගා උනේ දවල් 1ත් පහුවෙද්දි. අපි යද්දි පාසල් වාර විභාගය ලියමින් සිටි ලමයි ගෙදර යන්න කලින් වදිනව.. එවගේම පොඩි පැංචො ටිකක් නම් ඒ වෙද්දිත් අපි එන අතරමග...



පාසලට ඇතුල් වන විටම ලැබුණු සිනා සංග්‍රහය



මේ වෙද්දි පරිගණක විද්‍යාගාරය (මෙය මුලින් ගොඩනගල තියෙන්නෙ පුස්තකාලයකට) විදුලිය ලබා දි තිබුනෙ නැ, එවගේම අවශ්‍ය අභ්‍යන්තර රැහැන් ඇදීමක්ද තිබුනෙ නැ.  පෙරෙදා පාසලෙ තිබුණු උත්සවේකදි කියවුනෙ ඒ ගොඩනැගිල්ලට ආණ්ඩුවෙන් 50,000ක මුදලක් ලැබුනත් ඉස්කොලෙ ලොකු සර්, ගුරුවරු, පාසල් ලමුන් සහ ගම්මු එකතු වෙලා තවත් බාහිර පිරිස් සමඟ මේ වැඩේ අහවර කරගෙන. කොටින්ම ගොඩනැගිල්ලට අවශ්‍ය ගඩොල් දෙමාපියක් එකතු කරලා දීල..
 ගුරුවරුන් පළමු වරට OLPC XO උපාංගය විවෘත කිරීමට උත්සාහ දරමින්...


අගෝස්තු 1දා සවස් වන විට කණ්ඩියපිටවැව නාන්දා පාසලට පරිගණක ගෙන ගිය මොහොතෙ සිට පරිගණක විද්‍යාගාරය නම් කිසිම විටක තනි නොකරන්න පාසලෙ පුංචි පැටව් වග බලාගත්ත. හන්තාන මෙහෙයුම් පද්ධතිය ස්ථාපනයටත් කිහිප දෙනෙක් එක් වුනා විතරක් නෙමෙ රාත්‍රී 9.30 පමණ වන තෙක් අප සමඟ රැදුණු ඔවුන් බලෙන්ම වගේ ගෙවල් වලට පිටත් කරන්න උනේ ඔවුන්ගෙම ආරක්ෂාව නිසයි.


ලග පාත ගෙවල්වල ළමයි ඔක්කොම හවස පාසලට දුවන් ආව...




ඉස්සෙල්ලම වැඩ කරන්න හැමෝම තමන්ගෙ වාරයනතෙක් බලන් ඉන්නව...


ලෙසි නැ ගණන් හදන සෙල්ලම,... බැරිම තැන ඇගිලි ගනිමින්...



හන්තාන ලිනක්ස් 17 (නවතම නිකුතුව) ස්ථාපනය වෙමින්....

අප බලාපොරොත්තු වූ සේම සහයෝගයෙන්, එක්ව අධ්‍යනයේ යෙදීමට පළමු දිනයේ සිටම පාසල් සිසුන් කටයුතු කරන අයුරු දක්නට පුලුවන් උනා..

තමන්දැනගත් දේ අන් අයට කියා දීමටත් වෙනත් කෙනෙක් දන්නා දේ අසා දැනගැණීමටත් ඔවුන් පැකිලුනේ නැ

මේ කාර්යයෙදි ලැප්ටොප් පරිගණක ලබා දුන්නෙ යොහාන් සුමතිපාල, ඔහු සිංහල කතා කිරීමට නොදන්නා වුවත් තමන්ගෙ රට ගැන කැක්කුමක් තියෙන දැනට ඇමරිකාවෙ වාසය කරන අවුරුදු 17ක සිසුවෙක්.  පසුගිය අගෝස්තු මස දෙවැනිදා පැවැත්වුණු උත්සවයට යොහාන් ඔහුගෙ මැණියන්, සහෝදරයා සමඟ සහෝදරිය සමඟ එක් වුනා. ඌව පලාත් අධ්‍යාපන කාර්යයාලයේ, වැල්ලවාය කලාප අධ්‍යාපන කාර්යයාලයේ නිළධරින් සහ අවට පාසල් වල විදුහල් පතිවරුන් මෙන්ම ගම්වාසීන් මෙම වැඩසටහනට එක්ව සිටියා.

කණ්ඩියපිටවැව නාලන්ද පාසලෙ දරුවන්ගෙන් සහ ගුරුවරුන්ගෙන් උණුසුම් පිළිගැණීමක්

පන්සිල් සමාදන්වෙමින්...

පිළිගැණීමෙ ගීතය

 යොහාන් සුමතිපාල  (වෛද්‍ය දීපානි ජයන්තා විසින් යොහාන්ගෙ අදහස් සිංහල බසට පෙරලනලදි)

 ගම්වාසීන්

ලොකු ලොකු අයගෙ හරබර කතා අතරතුරු පොඩිත්තන්ගෙ ලස්සන රැගුම් වැඩසටහන තවත් ලස්සන කලා.





පරිගණක විද්‍යාගාරයේ උපරිම ප්‍රයෝජනය ගුරු සිසු දෙපිරිස ලබා ගන්නා බව කැට තියල කියන්න පුලුවන්.. මොකද ලැබ් එක ඇරපු මුල්ම දවසේ මූලික වැඩසටහනෙන් පසුව සවස 2 සිට සවස 5.30 දක්වා ගුරුවරුන් සඳහා වැඩසටහනක් ක්‍රියාත්මක උනා.. නමුත් වැවට ගිහින් නාගෙන එද්දි ලොකු සර් නිකමට වගේ අහනව අපිට රෑටත් ටිකක් පුරුදු වෙන්න පුලුවන් නේද කියල. ඔහුගෙ උනන්දුව නිසාම අවට නිවෙස් වල සිටි  ගුරුවරු 5 දෙනෙක් මැදියම් රැය වෙනකන් දිවා කාලයෙ ඉගෙන ගත් දැ යලි පුහුණු වීමටත් දරුවන්ගෙ අධ්‍යාපන කටයුතු සඳහා හන්තාන පද්ධතියෙන් වැදගත්වන පාඩම් සොයා බැලීමටත් එක් වුනා.

කණ්ඩියපිටවැව නාලන්දා විදුලේ තොරතුරු තාක්‍ෂණ ප්‍රජාව...

අපිට අවශ්‍ය දේ අපිම ඉගෙන ගන්න ඔනා කියන හැගිමෙන් එක් කෙනෙක් ඉගෙන ගන්න දේ අනිකාටත් කියා දීමට ඔවුන් පසුබට උනෙ නැ.

පහුවදා උදැසන යලිත් පාසල්දරුවන්ට  කෙටි වැඩසටහනකින්  පළමුපුහුණු  වාරය නිම කළේ මේ අගෝස්තු නිවාඩුවෙ යළිත් හන්තාන කණ්ඩායමේ සාමාජිකයෙක් එහි යන දිනයක්දස්තිවරව  පවසමින්.  මෙතෙක් හන්තාන ලිනක්ස් කණ්ඩායම සිදු නොකල, එක් පාසලකට මාස  6ක් තිස්සේ වැඩසටහන් ක්‍රියාත්මක කිරීමක් මෙම පාසල ඉලක්ක කරගෙන සිදු කරන්නෙ යොහාන්ගෙ සහ born free මිතුරන්ගෙ, ගම්වාසින්ගෙ, පාසලෙ මහන්සිය අපතෙ නොයා, හැකි උපරිම ඵලදායිතාවයකින් යුතුව පරිගණක විද්‍යාගාරය භාවිතයට මග පෙන්වීමටයි.

මෙම පාසලට සාමාන්‍ය ලැප්ටොප් පරිගණක වලට අමතරව OLPC (One Laptop Per Child) ව්‍යාපෘතිය මඟින් XO පරිගණක දෙකක් ලැබුණු අතර අනෙක් ලැප්ටොප් පරිගණක මඟින්ම OLPC හි ඇති Sugar වැඩතලය ඇති නිසා ප්‍රාථමික සිසුන්ටත් මෙම පරිගණක විද්‍යාගාරයේ ඉඩක් ලැබෙනු ඇත.


දැන් මේ සටහන කිව්ව ඔබහිතනව ඇති මොන හරුපයක්ද, අද මාතෘකාවට දාල තියෙන්නෙ කියල. :D ඇත්තටම කියනව නම් මාතෘකාවෙ කිසි වැරද්දක් නැ...

මොකද මේ වැඩසටහන සිද්ධ උනේ අලි කරදර වලින් දුක්විදින ජනතාවගෙ ජීවන තත්ත්වය උසස් කිරීමට සහාය වන Born Free Foundation ආයතනය මේ ගමටත් ගිය නිසා සහ එම ආයතනය කරන වැඩ ගැන පැහැදුනු යොහාන් සුමතිපාල නාලන්දාවෙ දරුවන්ට පරිගණක ලබා දිමෙ කටයුත්තට අත ගැසීමත් සියල්ල සිදු උනේ වල් අලි නිසා නේද? මෙම අහන්නෙ born free ශ්‍රී ලංකා කණ්ඩයම. :)


Born Free මිතුරන් (නිර්මල, වෛද්‍ය දීපානි ජයන්තා, සමීර) 

මීට සවර කිහිපයකට පෙර විසකුරු සතුන් පිළිබඳ මෙම පාසලේදිම පැවැත්වුණු වැඩසටහනකදි සමීරට නයෙක් ගැහුව කියල පස්සෙයි ආරංචි උනෙ.. :-)
කොච්චර බඩගිනිවුනත් පොඩි උන්ටික රැ 9.30ට එලියට යනකන්, උපරිම සහාය දෙමින්, දවල්ටත් නොකා සහයට සිටි සමීර මිත්‍රයට තුති!

Comments

  1. පින් සිද්ද වෙන වැඩක්...

    ReplyDelete
  2. දැක්කද ඒ ළමයින්ගේ හිනාව
    ඒක ඇත්තම හිනාවක්

    ReplyDelete
  3. අපිට මේ හුඟක් දේවල් දීල තියෙන්නේ වල් අලි!
    අපි ඒ ගැන පස්සෙ කථා කරමු.
    මෙම ව්‍යාපෘතියේ තිරසර බව ගැන සැලකිලිමත් වීම ඉතාමත් අගය කරනවා. අඩුම ගානෙ මාස 6ක් යනතුරුවත්. දැන් අපිට තියෙන්නෙ ඒ කාර්යය තව දිර්ඝ කාලයකට ඉදිරියට කරගෙන යන්නේ කොහොමද කියයන එක ගැන සැලකිසිමත් වීම. ඒ කියන්නේ මේ නාලන්දාවේ ඵමයි පරිගනක භාවිතය අඛන්ඩව සිදු කරන්නේ කොහොමද කියල අවදියෙන් සිටීමට සුදුස වැඩ පිළිවෙලක් සකස් කිරීම.
    සුභ පැතුම් ඩනිස්ක.
    (මේ වගේ පපුවට වදින වැඩ කරන්න අවස්ථාව ලැබෙනකොට මොකද හිතෙන්නේ? )

    ReplyDelete
  4. අගයමි ඔබේ වෙහෙස මහන්සිය.
    සතුටු වෙමි දරුවන් සතුටුවන දෙස බලමින්.

    මින් ඉදිරියට මේ දරුවන්ට පරිගණක පාඩමක් දෙකක් කියලා දෙන්ට දවසක් දෙකක් කැපකරන්ට මමද කැමැත්තෙමි.

    ReplyDelete
  5. අැත්තටම සුන්දර වැඩසටහනක්. ඩනිෂ්ක අැතුලු සහභාගිවූ සැමට ශක්තිය සහ ෙෙධර්ය පතනවා.

    ReplyDelete
  6. අපූරු වැඩක්..මම අර සිනා සංග්‍රහය පින්තුරෙටත් හරිම ආසයි! :)

    ReplyDelete
  7. හුඟක් වටිනා වැඩක්. පරිඝනක පරිත්‍යාග කළ පොඩි දරුවාටත්, කටයුතු සම්බන්ධීකරණය කළ, ගොඩ නැගිලි ඉදි කිරීමට හවුල් වුණු සැමටත් බොහොම පින්.

    ReplyDelete
  8. ඉතා අගේ ඇති වැඩක් ධනිශ්ක!

    ඇත්තටම හැම දෙනාටම මේ වගේ දෙයකට දායක වෙන්න හැකි නම් කොයිතරම් විශාල කටයුත්තක් කල හැකි වෙයිද

    ReplyDelete
  9. ඔය මහන්සිය අපතේ යන්නැ..සැමට ජය....

    ReplyDelete
  10. ඔය මහන්සිය අපතේ යන්නැ..සැමට ජය....

    ReplyDelete
  11. ඔය මහන්සිය අපතේ යන්නැ..සැමට ජය....

    ReplyDelete
  12. ඉතාම වටිනා සමාජ සත්කර්යයක්.දායකවු සැමට පින්.

    ReplyDelete
  13. කැලයේ පිපෙන මල්වල ඇස් පාදන්න ඩණිෂ්කගේත් ඒ සමග වැඩ කරන අන් සැමගේත් උත්සාහය අගය කරමු! එය මල් පළ ගැන්වේවා!

    ReplyDelete
  14. Great work!!Indeed!!
    "The difference between a helping hand and an outstretched palm is a twist of the wrist."

    ReplyDelete
  15. Great Work!! Indeed
    "The difference between a helping hand and an outstretched palm is a twist of the wrist."

    ReplyDelete
  16. මේ වගේ වැඩ දකින්නත් ආසයි. මිනිස්සුන්ට ආදරය කරන මිනිස්සු. ඇත්තටම ලංකාවට ඕනේ මේ වගේ අයයි. අනේ ඔබ වැනි අය රටටම වාසනාවන්.

    ReplyDelete
  17. මිනිස්සුන්ට ආදරය කරන මිනිස්සු. අපේ රටට උවමනා ඔබ වැනි අයයි. ඔබ වැන්නන් අනේ වාසනාවන්.

    ReplyDelete
  18. Hi Danishka,
    This is some great work all you guys are doing.
    I could get some assistance from some friends but need the Blog report to be in English.The photos are excellent.
    Please talk to Deepani as I have already told her what is needed.

    ReplyDelete

Post a Comment

Popular posts from this blog

හේරත් ගෙදර ගියා

2008 වසරේ දිනක මධ්‍යම පළාත් තොරතුරු තාක්ශන පුහුණු මධ්‍යස්්ථානයේ පැවති දින 5ක නේවාසික වැඩසටහනක් අධ්‍යාපන අමාත්‍යාංශයෙන් දියත් කළා. මේක කළේ සුෙච්ත ඔව් අර අලුත්ගම සින් එකට තනියම පිකට් කළේ එයා තමයි. මේ වැඩසටහනට විවිධ ගුරු චරිත එක්ව සිටියා. ඒ අය විවිධ වු හැකියාවන් වගේම ගති ගුණ තිබු අය. හේරත් සර් ඔවුන් අතරින් කෙනෙක්. නඩේ ගුරා මෙරට ‘පරිගණකයක් භාවිතයෙන්’ රජයේ පාසලක පරිගණක අධ්‍යාපනය ලබා දේ නම් ඒ සැම පාසලකම වගේ තොරතුරු තාක්ශන ගුරුවරු මෙන්ම අධ්‍යාපන විද්‍යාපිඨ වල පිරිස් ද මේ හේරත් චරිතය අනිවාර්යෙන්ම දන්නව. මොකද පාසල් වල වාර්ශික පරිගණක නඩත්තුව සදහා රට වටා යන ගුරුවරුන් කිහිප දෙනාගෙන් කෙනෙක් මොහු. අැත්තටම මොහු ඒ ගමනේ නඩේ ගුරා කිවත් වැරදි නැ. කොට අදින අලි මේ පිරිස රටවටේ යමින් පැත්තකට විසි කර තිබු පරිගණකවලින් අඩකට වඩා සැම විටම යළි භාවිත කළ හැකි අයුරින් පිළිසකර කර දීමත්, පාසල් වලින් එන ගුරුවරුන් සහ දරුවන් සදහා තම දැණුම බෙදා දිමත් නොපැකිලව සිදු කරනව. නමුත් මේ මුදල් ඉතිරිය ඔබ මෙතෙක් නොදැන සිටියා විය හැක. බටා ගෙනව නේද? ඇත්තටම ගාල්ල අවට පුදගලික මට්ටමින් අප සංවිධානය කළ වැඩසටහන් ගණනාවකට නුවර සිට තම යතුරු …

අයියයි නංගියි

මධ්‍යම පලාතේ අපි දන්න රෝහලක ඇති ඉදිකිරීම් වැඩබිමක සේවය කරන නිමල්ගෙ මව මැතකදි මිය ගිය පසුව ඔවුන්ගෙ පියාගේ කුබුරු වැඩ අතරමග නවතින්නෙ උදව්වට තවත් කෙනෙක් නැති නිසා.  නිමල්ගෙ නංගි නදීශා 8වසරෙ ඉගෙනුම ලබන්නෙ නුවරට ආසන්න මධ්‍යමහා විද්‍යාලයක. ඇය ඉගෙනීමට දක්ෂයි.  සාමාන්‍යන්  කුඹුරට අයියල නංගිල ගියාට වැඩබිමකට අයියල නංගිලා යන්නෙම නැති තරම්. නමුත් නිමල් ඔහු දැනට වැඩ කරන වැඩබිමට තම නංගිවවරක් එක්කරගෙන යනව. ඒ අත් උදව් දෙන්න නම් නෙමෙ.
නිමල් එහෙම කරන්නෙ වැඩ බිමේ කටයුතු සිදුවන අයුරු පෙන්වීමට සහ එහි සේවය කරන ඉංජිනේරු මැඩම්ව පෙන්වන්න.  තම නංගිත් කෙදිනක හෝ ඉංජිනෙරු වරියක් වනු දැකීමට ඇති ආසාව නිසා ඇය දිරිමත් කිරීමටයි නිමල් මෙහෙම කරන්නෙ.
ඇත්තටම නිමල්ලා තව ගොඩක් සමාජයේ ඉන්නව, ඒ අයගෙන් අපි ඉගෙන ගත යුත්තේ මෙයයි.  ඔබට බාල සහෝදර සහෝදරියෝ නැතත් ඔබටත් පුලුවන් නිමල් කෙනෙක් වෙන්න. කෙනෙක්ට අත දෙන්න තවමත් ඔබ පමා නැ.

මෙය සත්‍ය සිදුවීමක් වන අතරම අද උදැසන සිංහල අවුරුද්දට සුබ පතන්නට අකුර හරහා ශිෂ්‍යත්වයක් ලබන දියනිකට සහ ඇගෙ පියාට දුරකතන ඇමතුමක් දුන් විට මට අහන්න ලැබුනු තොරතුරකි.

සුබ අලුත් අවුරුද්දක් වේවා!

සැ:යු: නම් මනක්කල්ප…

බිංගන්තලාව සාගලපුර වෑයම - පළමු අදියර

මීට පෙර මා සඳහන් කළ පරිදි නුවර එළිය දිස්ත්‍රික්කයෙ දුෂ්කර පාසලක් වන බිංගන්තලාව සාගලපුර පාසලට පරිගණක ලබා දිමේ වැයමේ මූලික අදියර සාර්තක කරගැනීමට 2014 ජනවාරි 6දින හැකි විය.



ඉතා චාම්ව සරලව දෙමාපියන්ද සහබාගි වූ රැස්විමකදි මෙම වැඩසටහන නිළ වශයෙන් ක්‍රියාත්මක විය.






මම මේ ඊළඟට කියනවචන ටික හොදින් කියවන්න. මේක ජාති බේදයක් ඇති කරන්න කියන දෙයක් නෙමෙ

"සාගලපුර පාසල දෙමළ වතු වලින් වටවුන පාසලක්. ඒ පාසලේ සිට සිංහල බසින් ඉගේනීම කරන්න මේ දරුවන්ට යන්න තිබෙන අනෙක් පාසල තිබේනනෙ කිලෝ මිටර් 30කටත් දුරින්. හිතන්න අපි ඉන්න පැති වල කිලෝ මිටර් 30ක් තුළ පාසල් කොපමණ තිබෙන වාද කියල.
වටේ තියෙන දමිළ මාධ්‍ය පාසල් හරහා සිංහල ප්‍රධාන භාශාක් ලෙස මේ දරුවන්ට ඉගෙන ගන්න අවස්තාවක් තිබුනනම් මීට වඩා පහසුකම් ඔවුන්ට ලැබීමට අවස්ථාව තිබෙන්න පුලුවන්."




ඉතින් ඉහත කාරණාව වගේම පාසලේ ඉන්නෙ ඉතා සීමිත ගුරු පිරිසක්, ඒවගේම ඔවුන් කිසිම කෙනෙක් ගමේ අය නෙමෙ, ඉතා දුර බැහැර සිට එන්නෙ. ගොඩක් අය තමන්ගෙ සීමාවාසික කාලයෙන් පසු පාසලේ රැදෙවි කියල හිතන්න අමාරුයි.

ඉතින් මේ වගේ ගුරුවරු සීමිත පාසලකට ළමුන්ට ස්වන් අධ්‍යාපනයක යෙදීමට හන්තාන ලිනක්ස් …