බිංගන්තලාව සාගලපුර වෑයම - පළමු අදියර

මීට පෙර මා සඳහන් කළ පරිදි නුවර එළිය දිස්ත්‍රික්කයෙ දුෂ්කර පාසලක් වන බිංගන්තලාව සාගලපුර පාසලට පරිගණක ලබා දිමේ වැයමේ මූලික අදියර සාර්තක කරගැනීමට 2014 ජනවාරි 6දින හැකි විය.



ඉතා චාම්ව සරලව දෙමාපියන්ද සහබාගි වූ රැස්විමකදි මෙම වැඩසටහන නිළ වශයෙන් ක්‍රියාත්මක විය.

මම මේ ඊළඟට කියනවචන ටික හොදින් කියවන්න. මේක ජාති බේදයක් ඇති කරන්න කියන දෙයක් නෙමෙ

"සාගලපුර පාසල දෙමළ වතු වලින් වටවුන පාසලක්. ඒ පාසලේ සිට සිංහල බසින් ඉගේනීම කරන්න මේ දරුවන්ට යන්න තිබෙන අනෙක් පාසල තිබේනනෙ කිලෝ මිටර් 30කටත් දුරින්. හිතන්න අපි ඉන්න පැති වල කිලෝ මිටර් 30ක් තුළ පාසල් කොපමණ තිබෙන වාද කියල.
වටේ තියෙන දමිළ මාධ්‍ය පාසල් හරහා සිංහල ප්‍රධාන භාශාක් ලෙස මේ දරුවන්ට ඉගෙන ගන්න අවස්තාවක් තිබුනනම් මීට වඩා පහසුකම් ඔවුන්ට ලැබීමට අවස්ථාව තිබෙන්න පුලුවන්."




ඉතින් ඉහත කාරණාව වගේම පාසලේ ඉන්නෙ ඉතා සීමිත ගුරු පිරිසක්, ඒවගේම ඔවුන් කිසිම කෙනෙක් ගමේ අය නෙමෙ, ඉතා දුර බැහැර සිට එන්නෙ. ගොඩක් අය තමන්ගෙ සීමාවාසික කාලයෙන් පසු පාසලේ රැදෙවි කියල හිතන්න අමාරුයි.

ඉතින් මේ වගේ ගුරුවරු සීමිත පාසලකට ළමුන්ට ස්වන් අධ්‍යාපනයක යෙදීමට හන්තාන ලිනක්ස් සමඟ ලැබෙන අධ්‍යාපනික මෘදුකාංග ඉතා ප්‍රයෝජනතව් වනු නොඅනුමානයි.


පහල විඩියෝ අනුව ඔබට තෙරෙයි දෙවැනි වසරෙ ඉන්න මේ දුවට තමන්ගෙ පාසලට ලැබුන දේ කුමක්ද කියල කියන්න තවම තෙරුනෙ නැති වුනාට ඔවුන්ට උදැසන රැස්විමෙදි නම් අමූතු අත් දැකීමක් ලබපු බව.

එවගේම මේක One man show නෙමෙ!


මේ සඳහා මුදලින් දායකත්වය දුන් මිතුරන්:

හර්ෂණ වීරසිංහ
ජීවන් සූරියආරච්චි
ලක්ෂාන් පෙරේරා
තිස්ස දොඩංගොඩ
බන්දුල රණතුංග
ඉෂාන් ලියනගේ
ප්‍රසන්න සිසිකැලුම්
ප්‍රවීන් ඉන්ද්‍රණාම
කල්ප පැතුම්
(නමක් නැතිව දායකත්වය දුන් අයෙක් සිටි)


මෙම මුදල් එක් රැස්කර ගැනීමට වසරක කාලයක් ගත වූ අතර මේ වන විට පාසලට English as a life skill ව්‍යාපෘතියෙන් පරිගණකයක් සහ මල්ටිමිඩියා ප්‍රොජෙක්ටර් එකක් ලැබි ඇත. මේ නිසා පාසලට දැන් පරිගණක 3ක් සහ මල්ටිමිඩියා ප්‍රොජෙක්ටර් එකක් තිබෙනව.

මෙම කාර්යය සාර්තක කරගැණීමට සහාය වූ අතුල හේරත්, සමන් හේරත් ගුරු දෙපල සහ මධ්‍යම පලාත් අධ්‍යාපන කාර්යාලයේ තොරතුරු තාක්ෂණ සහ සැලසුම් අංශ ප්‍රධාන උපාලි චන්ද්‍ර කුමාර මහතා ඇතුලු සැමටත් චලපනේ අධ්‍යාපන කලාප අධ්‍යක්ෂ ඒ.බි. ගංගොඩ මහතාටත් ස්තුතිය පුදකර සිටිමි.



මෙම කර්තව්‍ය සඳහා තවමත් ඔබට දායක වීමට හැකියාවක් ඇත. ප්‍රධාන අංගය වන්නෙ පාසල් සිසුන්ට සහ ගුරුවරුන්ට අප විසින් මාසිකව සිදු කිරීමට නියමිත පුහුණු වැඩසටහන් සඳහා ඔබේ දායකත්වය ලබා දීමයි.

මූලිකව ඉගැන්වීමට තිබෙන්නෙ...
Open Source based Educational Tools
GIMP
LibreOffice


ඒ සඳහා සහාය වීමට ඇති අය සිටී නම් කරුණාකර දන්වන්න.




ස්තුතියි!

පාසලට යද්දි වගේම පාසලට ගියත් ඒ වටේටම පෙන්නෙ සුදන්දර පරිසරයක්. මේ කෙටි විඩියෝවෙන් ඔබට පෙනෙවි ඒ සුන්දරත්වය.. නමුත් ඔවුන්ට පරිසරය මෙන්ම වූ සුන්දර අනාගතයක් ලැබෙන වනම් කොච්චර හොද ඳ?



පාසලේ කියවිමේ කාමරයට නම් මගේ හිත ගියා...



 

ඉතින් මේ එක් පාසලක් විතරයි, තවත් මේ වගේ ගොඩක් පාසල් තියෙන අපේ රටේ.