Skip to main content

ජාතිවාදය සහ අන්තර්ජාල නිදහස

තිස් වසරක යුද්ධයෙන බැටකැ රටක් ලෙස අමිහිරි අත් දැකීම් සහ කදුලු පිරිණු රටක් යළිත් ලේ විලක් බවට පරිවර්තනය වීම කිසී සේත්ම නොවිය යුත්තක්!

තම දේශපාලන, ව්‍යාපාරික සහ උද්ගලික අවශ්‍යතා සඳහා කෝටත් තෛලය ලෙස ජාතිවාදය ඈවිස්සීම අපේ රටේ සමහරක්ට සුලු දෙයක්.

අපි මොකක්ද බලා පොරොත්තු වෙන්නේ? සිංහල දෙමාපියන් යටතේ අපි ඉපදුන නිසා අපි අනෙක් ජාතීන්ට වෛර කරනවද?

මීට සති කිහිපයකට උඩ දී මේ දුපතේ ජනප්‍රිය පුවතක් වූයේ සිංගප්පුරු රජය තම අයවැයෙන් පසුව 2018 වසර සඳහා සිංගප්පුරූ ඩොලර් 300ක් බැගින් තම රට වැසියන්ට "Hongbao" නම් වූ බෝනස් එකක් ලෙස බෙදා දීමයි.

මෙහි දි සත්‍යලෙසම සිදු වූයේ වාර්ශික ආදායම සි.ඩොලර් 28,000ට අඩු නම් සි.ඩොලර් 300ද, වාර්ශික ආදායම සි.ඩොලර් 28,001 ත් - 100,000ත් අතර නම් සි.ඩොලර් 200  වාර්ශික ආදායම සි.ඩොලර් 100,000ට වැඩි නම් සි.ඩොලර් 100ක්ද ලෙසයි.
අපේ අය මේයට හේතුව ලෙස දැක්කේ සිංගප්පුරු රජයේ සියලුම අමාත්‍ය වරුන් උපාධි ධාරින් වීමයි.

එතකොට රටේ වෙන කිසිදු වෙනසක් නැද්ද?

සරලව පවසනවා නම් දෙවන ලෝක යුද්ධයේදි (1942-1945) ජපාන අධිරාජ්‍යා යටතට පත්වන සිංගප්පුරුව යුද්ධය අවසන් වෙත්ම බ්‍රිතාන්‍ය පාලනයටත් පසුව 1963දි යළි ෆෙඩරේශනය සමඟ එක්ව මැලේසියාව බිහිවෙනව. එනමුත් යළි 1965 අගෝස්තු 9 වන දින ස්වාදීන ජනරජය රජයක් බවට පත්වේ.

මේ තැන් සිට විවිධ වූ වෙනස් කම් වලට භාජනය වන මේ කුඩා දිවනයින වර්ග කිලෝමිටර 719.9 පමණ වේ.  (ශ්‍රී ලංකාවේ ප්‍රමාණය වර්ග කිලෝමීටර් 65,610ක් පමණවේ).
සිංගප්රුවේ ආගම්:
33.2% බෞද්ධ
18.8% ක්‍රිස්තියානි
18.5% නිරාගමික
14.0% ඉස්ලාම්
5%  හිංදු භක්තිකයින්ද වේ.

ශ්‍රී ලංකාවේ ආගම්:
74.9% බෞද්ධ
9.7%  හිංදු
7.4% ක්‍රිස්තියානි


සිංගප්රුවේ ජන වර්ග:
74.3% චීන
13.3% මැලේ
9.1% ඉංදියානු
3.3% වෙනත්

ශ්‍රී ලංකාවේ ජන වර්ග: (2012)
74.9% සිංහල
11.2% ශ්‍රී ලංකා දමිළ
9.2% ශ්‍රී ලංකා මුස්ලිම්
4.2% ඉංදියානු දමිළ
0.5% වෙනත්

සිංගප්පුරුවේ ජාතික භාෂා 4ක් වේ (ඉංග්‍රීසි, මැලේ, මැන්ඩරින් සහ දමිළ)
ශ්‍රී ලංකාවේ ජාතික භාෂා 3ක් වේ (ඉංග්‍රීසි, සිංහල සහ දමිළ)

මේ දත්ත සැලකූ විට ආසියාවේ ආශ්චර්ය වූ සිංගප්පුරුවට මෙරටට වඩා මුස්ලිම් ජන ප්‍රථිශතයක් සිටියත් කිසිදු කල කෝලහලයක් සිදු නොවේ. ඒ මන්ද එරට නිසි නීති සහ ප්‍රතිපත්ති ගෙන ඒම සහ ඒවා නිසි ලෙස බලාත්මක කර ක්‍රියාත්මක කිරීම කර තිබීමයි.

සිංගප්රුවේ දි කිසිදු පුද්ගලයෙකු ආගම, ජාතිය හෝ වෙනත් කාරනා මත අපහාසයට අපහසුතාවයට ලක් කළ නොහැක. මෙම නීතියම පාර්ලිමේන්තුවට 2015 ජනවාරින් 8දිනෙන් පසුව ගෙන ආවත් උතුරේ සහ දකුණේ ජාති වාදී දේශපාලකයින් එයට විරුද්ධ විය.

ඈයි ඒ ඔවුන්ට පැවැත්මක් නැති නිසා...

සිංගප්රුවේ රජයෙන් දෙනු ලබන නිවාස එක් ජාතියකට අයත් පිරිස් සදහා පමණක් එකම නිවාස යෝජනා ක්‍රමයෙන් ලබා දීමෙන් තොරව සමිශ්‍රණයකින් යුතුව විවිධ ජාතීන් පදිංචි කරවීම සිදුවේ.

ජනතාව අසීරුවට පත් වන කිසිදු වර්ජනයක් හෝ ජනතාවට පීඩාවට පත්වන ශබ්ද දූශනයක් තියා සැබැ ලෙස රතින්ඥා කරලක් දැල්වීම පවා අසීරුවේ.  මෙරට වසරකට මිනිස් දින කොපමණ වර්ජන ආදි නොයෙක් හේතු නිසා විනාශ වේද?

දැන් අවම පඩි ගන්න සුලු තරයකට සි.ඩොලර් 300ක් (වරකට) ලබා දීම අපහසුද?
අපේ රටේ වගේ කොටස්වෙළඳ පොළ දික්විජය කළත් රටට ලැබෙන බදු වංචා කරන ව්‍යාපාරිකයින් සහ සිවිල් පුර වැසින් නොමැත. සියල්ලම නිසි කළට බදු ගෙවයි.
අපේ  බදු වංචා කරුවන් ගෙන්වන වාහන වෙනුවෙන් සමාජ ජාලවල මරා ගනි...

මේ කෙසේ නමුත් එරට තොරතුරු තාක්ෂණය සඳහා ආසියාවේ හබ් එක ලෙස ප්‍රධානවේ. දත්ත සඳහා සුරක්‍ෂිත බව මෙන්ම පැහැදිලි ව්‍යාපරික සහ ආරක්‍ෂණ ප්‍රතිපත්ති විශේෂ වේ.

කිසිම විටෙක ගම් දෙකක් ගහ මරාගන්නා පුවත් නැත.
කාන්තාවන්ට අවශ්‍ය ඕනෑම විටක ඕනෑම තැනක යා හැක.
ආරක්ෂක අංශ සඳහා ඔවුන්ට අවශ්‍ය ගරුත්වය ලබා දී ඈති අතර නීතිය ඉදිරියේ සියලු දෙනාම එක හා සමානවේ.
සියලු දෙනාටම ආගම් ඈදහීමේ අයිතිය සහ නිදහස හිමිවේ.

ඉතින් ඈයි අපි විතරක් වෙනස්?

ඉහත තොරතුරු පදනම් කරමින් මා ඔබට පැහැදිලි කරන්නේ අපේ රටේ දේශපාලකයින්ගේ පමණක් නොව සිවිල් වැසියන්ද මේරට අගාදයට යාම ගැන වගකිව යුතු බවයි.

කොටකෙත සේයා දියණියගේ අවාසනාවන්ත සිදුවිමේදි ඔබ කොටකෙත ගම්වාසින්ගේ සියලු ගෙවල් ගිනිබත් කලාද? නැ! මොකද ඒ චූදිතයාද සිංහලයෙකු විමයි.

නමුත් කොන්ඩයා මුස්ලිම් වුනා නම් පොලිස් පරික්ෂණ සඳහා කොන්ඩයාගේ මස්කලදක් ඉතිවන්නේ නැත.

සෑම ජන කොට්ඨාශයකම විද්වතුන්, කුඩු කාරයන් සහ මැරයන් අඩු වැඩියෙන් ඈත.
නමුත් බුද්ධිමත් ඔබ ජාති බේදයෙන් කටයුතු කර සමාජයට අහිතකර පිලිලයන් ඉවත් කළ යුතුම වේ!
 
දකුණ ආසියාණු කළාපයේ ඉහළම සාක්‍ෂරතාවයක් තිබුනද, හොඳින් අධ්‍යාපනය ලැබූවන් පාව ඉතා සුලු සිද්ධියකදි වෙනත් රටවල සිද්ධි ගෙනහැර පාමින් නැති චිත්‍රයක් මවා පානන්නට සියලු වීරිය දමයි. 


දුර්වල පාලකයින් මේ සඳහා දීර්ඝ කාලීන නිසි පිළියම් නොයෙදා තම වාසිය සඳහා සාමාන්‍ය ජනයා පොරකුකුලන් මෙන් ගහ මරා ගැණීමට ඉඩ දේ.

                         




අන්තර්ජාල නිදහස...

 ලොව අන්තර්ජාල නිදහස පිළිබඳ දර්ශයකේ මේ වන විට 43වන ස්ථානයේ පවතින අප රට පළමු වරට සමාජ ජාලා අවහිර කීරිමකට ලක්කර ඈත.

 2017 වසර සඳහා ශ්‍රී ලංකාවේ අන්තර්ජාල නිදහස් අගය

2018 මාර්තු මස 7 වන දින මෙරටට සුවිශේෂි දිනයක් වේ. ඒ ජාතිවාදය පාළනය කර ගැණීමේ නොහැකියාව අවසානයේ අවසන් වන්නේ මෙරට ජනයාට සමාජ ජාල වෙත ප්‍රවේශ වීම අවහිර කිරීමෙනි.

බොහෝ පිරිස් තම හිතවතුන්ගේ ආදාරයෙන් Virtual Private Network (VPN) තාක්ෂණය භාවිත කරමින් සමාජ ජාල වෙත පිවිස විශාල ජයග්‍රහණයක් ලෙස උදම් අනන්නේ සැබැ තත්ත්වය පිළිබඳ අවබෝදයකින් තොරවයි.

 එක්සත් ජාතින්ගේ සංගමය පවා අන්තර්ජාල ප්‍රවේශනය මානව හිමිකම් ලෙස දක්වා ඈත.  
ඔබට සාමාන්‍ය ජිවීතයේදි යම් නිදහසක් ඈත්ද ඔබට ඒ නිදහසම අන්තර්ජාලයට එක් වූ පසුද හිමිවිය යුතුයි.
"the same rights people have offline must also be protected online"

 2016 ජුනි මස 27 දින  එක්සත් ජාතින්ගේ මානව හිමිකම් කවුන්සලයේ 32 වන සැසියේ පත්‍රිකාව

ඔබට වතුර වීදුරුවක් බොන්නට කිලෝමිටර් ගණනක් යන්නට සිදු වුවහොත් එය ඔබට සැමරීමට දෙයක්ද?
ඔබට වැසිකිලි පහසු කම් සඳහා අල්ලපු ගමට යාමට සිදු වූව හොත් එය සැමරීමට දෙයක්ද?

උඹල බ්ලොක් කළාට අපි සමාජ ජාලවලට ආව කියන එක තරම් මෙය සරල කාරණයක් නෙමේ මේ සිද්ධිය.

අපි නිදහස්, ප්‍රජාතන්ත්‍රවාදි රටක් නම් ඈයි අපි කරදර වෙලා සමාජ ජාල වලට පවිසෙන්නේ?
අද දිනයේ සමාජ ජාල ආශ්‍රීතව කටයුතු කරන මෙරට සමාගම් හා ස්වාදීන තාක්‍ෂණ වේදින්ට, මාධ්‍ය වේදීන්ට සහ අනෙකුත් තොරතුරු ලබා ගැණීමේ අරමුණින් ප්‍රවේශනයට උත්සාහ කළ සිසුන්, ගුරුවරුන් වැන කොපමණ පිරිසක් මේමඟින් අපහසුතාවයට පත් වුනාද?

කොපමණ පිරිසක් අනාරක්‍ෂිත අන්තර්ජාල ප්‍රවේශන ක්‍රියාමාර්ග භාවිත කළාද?

අපට යළි යුද්ධයක් හෝ කිසිම ආකාරයක ලේ වැගිරීමක් හෝ සිත් බිදිමක් අවශ්‍යම නැත!
ඒවගේම අපට මානව අයිතියක් වන නිදහස් අන්තර්ජාල ප්‍රවේශනයක් අවශ්‍යම වේ!

පලි:
තොරතුරු තාක්‍ෂණ සැපයුම් කරුවන් හරහා ගිලිහෙන  Net Neutality ගැන පසුව කතා කරමු.


Comments

Popular posts from this blog

Chrome profile එක මැකීම

සාමාන්‍යන් අපි භාවිත කරන වෙබ් ගවේශක, එහෙම නැත්නම් බ්‍රවෘසර් වල ප්‍රොයිල් එකක් තියෙනව. කලක් භාවිත කරද්දි සමහර වෙලාවට මේක ක්‍රැශ් වෙන්න පුලුවන්. එක්කෝ අප්ග්‍රේඩ් කරද්දි ඉතා කලාතුරකින් වෙන්න පුලුවන්. අද හිතවත් ගුරුමහතෙක් වන ලක්ෂමන් තිලකරත්න සර් මේ කිහිප දෙනෙක්ට ක්‍රෝම් යාවත් කරාට පස්සේ ක්‍රෝම් නිසි ලෙස වැඩ නොකරන බව සඳහන් කළා. ඉතින් ලෙසිම විදිය පරණ ප්‍රොෆයිල් එක (පැතිකඩ) මකල දාන එක. පහත සඳහන් කරලා තියෙන්නේ අදාල මෙහෙයුම් පද්ධතිය අනුව ක්‍රෝම් ප්‍රොෆයිල් එක තිබෙන තැන. Windows 7, 8.1, and 10: C:\Users\ \AppData\Local\Google\Chrome\User Data\Default Mac OS X El Capitan: Users/ /Library/Application Support/Google/Chrome/Default Linux: /home/ /.config/google-chrome/default උදාහරණයක් ලෙස මේ මගේ (Linux) පරිගණකයේ ක්‍රෝම් ප්‍රෆයල් එක තිබෙන තැන. /home/danishka/.cnfig/google-chrome/Default මේ සඳහා ක්‍රෝම් ඇඩ්රස්බාර් එකෙ chrome://version/ ලෙස ටයිප් කරලා එන්ටර් කරන්න.  එවිට ලැබෙන තොරතුරු අතරේ Profile Path ලෙස Chrome හි profile එක තිබෙන තැන දිස්වේ.  දැන් ඉතින් මේක මකල දාන්න. වින්ඩෝස්

වේදනාත්මක නිහඬ බව

අපි ගොඩක් වෙලාවට නිස්කලන්ක, නිහඬ පරිසරයකට ආදරය කරනව. ඒ අත්දැකීම යළි යළිත් විදගන්න තරම් පෙරේත කමක් දක්වනව. නමුත් සමහර නිහඬ අවස්ථා ඉතාම වේදනාකාරයි. ඊයේ (2020 මාර්තු 14) රාත්‍රියේ  නින්දට ගිය පසු වරින් වර තාත්තව ඇහැරවන්න බැලුවේ, ඔහුට අවශ්‍ය බෙහෙත් සහ මුත්‍ර කිරීමට ඇවැසිදැයි පිරික්සීමටයි. වෙනදා "තාත්තේ චූ කරන්න ඔනද?" ඇසු විට "හා" කියා ප්‍රතිචාර දක්වන ඔහු ඊයේ රාත්‍රිය පුරාවට කිසිදු ප්‍රතිචාරයක් නොදක්වා නින්දේම සිටියා. අලුයම 3ටත් එලෙසමයි. අද උදේ දෙගිඩියාවෙන් මෙන් අවදි කළ පසුත් ඔහුගෙන් සුපුරුදු ලෙස "සුබ උදැසනක්" ප්‍රතිචාරයක් ලැබුනේ නැ. ඔව් දවසම තාත්ත ගොලුයි. ඉදහිට අසන ප්‍රශ්නයකට හිස සලයි. මගේ ජිවිතේටම තාත්ත කතා නොකර සිටි පලමු දවස අද. මේ වේදනාව වචනවලට පෙරලන්න දන්න කෙනෙක් ඉන්නවද මම නම් දන්නේ නැ. තාත්ත ඉස්සරහා එයාගේ ඇස් දිහා බලන් කිසිම දෙයක් නොවු විදියට තොර තෝංචියක් නැතිව කියෙව්වට අදත් මගේ බත් එකෙ කදුලු. අද මේ පිංතුරේ මතක් වුන නිසා අන්තර්ජාලේන් හොයල ගත්තා. මේ පිංතුරේ ඇත්තටම වෙන්නේ දියණියක් (අර්ධ වශයෙන් අංශභාගයට පත්) ඇගේ පියාට ඇවිදීමට සහාය වෙන පිංතූරයක

පරිගණක ආශ්‍රීත ව්‍යාපාර ලියාපදිංචියෙදි පොලිස් රිපෝර්ට් සහ හැක් කිරීමට ලියාපදිංචි වීම

පසුගිය දවසක මගේ මිතුරෙක්ට මෙන්න මේ අත්දැකීම විදගන්න ලැබුනා. 2018 දෙසැම්බර් මස ව්‍යාපාර ලියාපදිංචියක් සඳහා ඉදිරිපත් කළ අයදුම්පතට එච්ච දේ දැනගන්ට ඔහු ප්‍රාදේශීය ලේකම් කාර්යයාලයට ගිය විට අදාල අයදුම්පත යළි අතට ගන්නා සේවකයින් යුහුසුලුව කටයුතු කරන්නට ගන්නව. ඒ අතරෙදි මෙන්න මෙහෙම කතාවක් අවසානෙදි ඇහෙනව.. දැනට මෙරට අපණයන ආදායමින් සැලකිය යුතු මුදලක් ලැබෙන්නේ මෘදුකාංග සහ තොරතුරු තාක්ෂණ සේවා අපනයනය හරහා. මුදලින් ඇමරිකාණු ඩොලර් මිලියන 1000 කට අසාන්න අගයක් 2017 වසරෙදි තිබුනා. අපිට තව දුරටත් ගෘහසේවිකාවන්ගෙන් ලැබෙන විදේශ විනිමයෙන් හෝ සම්ප් ‍ රදායික අපණයන හරහා විදේශ විනිමය ගොඩ නගන්න බැ. ඒ නිසා රජයටත්, රජයේ සේවයේ ඉන්න ඉහළ නිළධාරින්ටත් තොරතුරු තාක්ෂණය හරහා ලබා ගත හැකි විදේශ විනිමය සහ එය වැඩි දියුණු කරගත හැකි ක් ‍ රමවේදයන් ගැන හිතන්න වෙනව. අපි මැණිකක් අපණයනය කරද්දි ලබන විදෙශ විනිමය සහ එක් ගෘහ සේවිකාවක් මෙරටට එවන මුදල සසදලා බලමු. මසකට එක් ගෘහ සේවිකාවක් මෙරටට එනව මුදල ඉතාම සුලු මුදලක් එක් මැණික් ගලක් සමඟ සැසදුවොත්. නමුත් මෙරටින් බැහැරව සේවය කරන ලක්‍ෂ ගණනක් වන ගෘහසේවික