Skip to main content

රන්වැටක් නැත්නම් බෝ ගස වැනසේද?

මෙම ලිපිය සකසන මා බෞද්ධයෙකු බව පළමුවෙන්ම පවසා සිටිමි.

දැන් කාලේ ගොඩක් නගරවල තිබෙන දැන් වීම් නම් අසවල් පන්සලේ රන්වැට සඳහා පිංවතුන් ආධාර කරන ලෙසයි. නැත්නම් ආසියාවේ දිගම/විශාලම පිළිමයට ආදාර දෙන ලෙසයි. (මේ වගේ එකක් දුම්රියෙන් යන විට මග්ගොන හරියෙත් තියෙනවා)

ඇත්තටම සාමාන්‍ය ශාඛ මෙන් බෝ ගසටත් ස්වභාවික සම්පත් හැරෙන්නට මෙවැනි අමුතුම සත්කාර අවශ්‍ය ද?

විශේෂයෙන් හිසට සෙවනක් කුසට අහරක් නැති අය සිටින මෙරටේ ගසක් වටේ මෙවැනි වැටක් ගහන්න ඇයි මෙලෙස වියදම් කරන්නේ?

ගසේ ආරක්‍ෂාවට නම් මම හිතන්නේ කම්බි වැටක් තරම් තවත් දෙයක් නැ.

තෘෂ්ණාව නැති කරන්න කියලා හැම පෝය දිනකදීම යකඩ කටින් කියවන අපේ ගමේ පොඩි හාමුදුරුවන්ගේ ජංගම දුරකතනය ලගදි හොරු අරන්. :D
මම හිතන්නේ බුදුන් දෙසු දහමේ සිට අපේ හාමුදුරුවෝ හොරාට මෛත්‍රි කරන්න ඇති නේද?

පිස්සුද මේ හාමුදුරුවෝ පන්සල වටේ තාප්පය ගහන්න ගිහින් අල්ලපු වැටේ මනුස්සයට විරුද්ධව පොලිසි ගියා..
(මා දන්න කාලයක සිට ඒ ගෙදර වැසියන් යන්න එන්න ගියේ ඒ පාරෙන්...)

දෙයියනේ පන්සලට තාප්පයක් මොකටැ..

ඔය කියන හොරා ආවෙත් තාප්පේ ගැහුවම හැබැයි.

හරි නම් පන්සල් වලින් ගිහියන්ගේ අපහසුකම් වලට සහනයක් දෙන්න ඔනා. දැන් ඇත්තටම පන්සලේ අපහසු කම් වලට ගිහියන් සහනය දෙනවා. ටයිල් නැති සිමෙන්ති පොලවේ වෙසෙන ගිහියන් පන්සලේ ටයිල් ඇතිරීමට ආදාර දෙනවා.

දෙන්න සල්ලි තියෙනවා නම් නැති කෙනෙක්ට ගෙයක් හදලා දෙන්න. ඇයි බැරි?

අන්‍ය ආගම් වලට හරවනවා කියලා අපි කැගැහුවට අපේ පන්සල් වලින් අර ආගමට යන අයට මොනවද උනේ?
දැන් පන්සල් අතර තියෙන්නේ තරගයක්.. එකකට එක්ක නොදෙවෙනි වෙන්න සරසන එක..

ඔවා ගැණු අයගේ වැඩ.. අල්ලපු ගෙදරට වඩා තමන්ගේ ගෙදර ලස්සනට සැරසීම.

ඇත්තටම මේ කාරණාව වරක් ගමේ පන්සලේ බෝධි පූජාවකට වැඩම කළ ස්වාමින් වහන්සේ නමක් කිව්වා ගමටම ඇහෙන්න. සාදු! සාදු!

2007 වසරේ ඉංදියාවේ මුම්බායිහි 100,000 දෙනා බුද්ධාගමට හැරවීමක් සිදු උනා..
ඒ අඩු කුලයේ අයව බුද්ධාගමේදි/ බුද්ධ දර්ශනයට අනුව කුලය නිසා වෙනස් කමකට ලක් නොවන නිසා.

එත් අපේ රටේ තවම නිකාය බේදය තියෙනවා නේද?

ඇත්තටම දේශපාලකයින්ට කඩේ යන එකත් අතඇරලා හාමුදුරුවන්ට තමන්ට නියමිත වැඩ කරගෙන ඉන්න බැරිද?

තවදෙයක්.. ගිහියන් අරපරිස්සමින් විදුලි පාවිච්චිකර ඉතුරු කළත් පන්සලේ දේවාලයේ පැය 24 විදුලි සඳහා මුදල් දෙනවා....
ඇත්තටම මේ වෙන්නේ සද්ධාව පිටින් දමා ගසා කැමක්ද? මොකද ඔය කියන තැන් වල පැය 24ක විදුලිය භාවිතයක් නැ.

නමුත් විදුලිය තියා බොන්න පැන් බිදක් වත් නොමැතිව පන්සලේ සිල්වත්ව වෙසෙන ස්වාමින් වහන්සේලා මෙරටේ නැත්තා නොවේ!

Comments

  1. I hope you have found a christian girlfriend and/or on the verge of getting converted to christianity. If you have a problem sort it out with a monk you know rather than putting this type of negative things on public blogs about temples, monks and buddhism !

    ReplyDelete
  2. උඩ බලාගෙන කෙල ගහන්න එපා ! ඔයාට තියෙන ගෞරවය නැතිකරගන්න එප මේ අනන් මනන් ලියලා. ඔයා දන්න දේ කරන් ඉන්න !

    ReplyDelete
  3. oba kiyana dee hari sangayawa deeshapaalanayen iwath karanna oone
    deeshapaalanayata yana sangaya silwath nehe

    ReplyDelete
  4. මෙතන කියන්නාවු සමහර කරුණු ඇත්තය නමුත්
    පන්සලේ ඔය තරගය හදන්නේ ගමෙ ඉන්න ගිහි පිරිසය .(ඩනිස්ක අයියා පන්සලේ දායක සභාවෙ රුස්විමකට ගොස් එය ඇත්තද කිය බලන්න) . පන්සලේ හමුදුරුවො සරලව ඉන්න හැදුවොත් ඔහුට බනින්නේ ඔකා මොනවාද පන්නලට කරේ කියාය.

    කුල බෙදයෙ කතාව මම පිළිගනිමි . බමුණ න්ට හා සමහර චිවර දාරින් අතර වෙනසක් නැත .සමහරෙක් දරුවකු දහණ කිරිමට මුලින්ම හොයන්නේ මු අපෙ වංසේද කියාය.

    සිල් වත් විම යනු දුක් විදිම නොවෙ ඔවුන්ට සැප විදිම තහනම් නැත ( මම දන්න ආකාරයට)
    එසෙ නැත්තන් 80 කොටියක් වියදම් කර සැදු ජෙතවනාරමය පිළිගනිමින් පලමු වරද කර ඇත්තේ බුදු හාමුදුරුවන්ය .

    අනික ලංකාවෙ ආගමෙ නාමයෙන් මෙ විනාස කරන මුදල් ප්‍රමානය දැන් බුදු හිමියන් දන්නවානම් ......

    බො ගසට දෙන හොදම සැලකිල්ල නම් එයට නිදහසේ ඉන්න දිමය .

    ReplyDelete
  5. අහවලා රැක දෙනන් කියා බෝගහේ කොඩි එල්ලන්නේ බෝ ගහට අනික් අයවත් රැකීමේ බලයක් ඇති නිසාය. මටනම් තේරෙන්නේ නැත්තේ අනික් අය රකින්න පුළුවන් බෝගහ රකින්න මිනිස්සු මොකට එක එක සේල්ලං දානවද කියලා

    ReplyDelete
  6. අගනා, එමෙන්ම අවංක සටහනක්.

    දේපොල ක්‍රමයට (මනෝරාජික ප්‍රවිශ්ටයකින් හෝ) එරෙහි ව යමින් තමයි සංඝ සමාජය ස්ථාපනය කෙරුවෙ බුදුන් වහන්සෙ. එහි පුද්ගලික දේපොල තිබිය නොහැකියි මුල් බුදුසමයේ ප්‍රකාශිත අරුතින්. නමුත් එසේ වෙන ම පිහිටවූ "සංඝ සමාජයට" පිටත සුපුරුදු පරිදි පන්ති සමාජය සහ පුද්ගලික දේපොල ක්‍රමය පවත්නා තාක් එය සංඝය තුලට කාන්දු වෙනවා. ක්‍රමයෙන් මේ දේපොල දියුනු වී ආ හැටිත් ඒවා පාලනය කිරීම සංඝ සමාජයේ "වෘත්තීය" කටයුත්තක් බවට පත් වූ හැටිත් ගැන කදිම ඓතිහාසික විස්තරයක් රණවීර ගුණවර්ධන ලියූ සිවුර සහ නගුල නමැති කෘතියේ එනව.

    පහත දැක්වෙන කොටස විහිලුවක් බව සියලු ශ්‍රද්ධාවන්තයින් සලකන්න :
    ඩනිෂ්ක, ඔය ස්ථාන නාම ලියල ඊට පස්සෙ පාරෙ යන්නෙ බලාගෙන. මග රැකල ඉඳීවි "සැදැහැවතුන්" ඔබට පින් දෙන්න :-P

    ReplyDelete
  7. ඇත්ත. ‍ඒත් ගොඩක් අය මේ දේ ගැන කතා කරන්න අකමැතියි. පංසල, හාමුදුරුවන්, ආගම විවේචනය කරන එක නොකල යුතු පාපයක් හැටියට දකින නිසා.

    අපේ රටේ පංසලක හාමුදුරුකෙනෙකුට ඇති සමාජ තත්වයත් එක්ක, ගමට සමාජයට කල හැකි ‍දේ අපමණයි. මොන ගැටළු තිබුනත් තවම හාමුදුරුකෙනෙකු කිවු විට දෙයක් නොඅසා සිටින්නන් ඇත්නම්, ඒ සුළුත‍රයෙනුත් සුළුතරයක්.
    පංසලට ඇති ‍මේ හැකියාවෙන් ඇත්තටම ප්‍රයෝජනයක් ගන්නවද?

    මේ ගැන ඕන තරම් කතා කල හැකියි. ඒත් තේරුමක් නෑ.

    ReplyDelete
  8. කසුන් කිව්ව වගේ මේක ගැන පැති ගණනාවකින් ඕන තරම් කතා කරන්න පුළුවන් වුණාට තේරුමක් නෑ තමයි. අද කාලෙ ආරණ්‍ය කියල කැලෑවල් මැද තියෙන ස්ථාන පවා භෞතික වශයෙන් අතිශය සමෘධිමත්. ඒකෙ වරදක් නෑ. නමුත් ඒක පළමු කාරණය නෙවෙයි. දැන් ඉන්න සංඝයා සහ ගිහි පිරිසේ පළමු කාරණය පන්සල් මාලිගා කිරීමයි.

    ඔය රන් වැටවල් නම් ලොකුම මගඩි. රන් වැටෙන් නොනැවතී ඕක තවත් බොහෝ දේවල් එක්ක ඈතට යනවා.

    කරන්න දෙයක් නෑ සංඝයාමයි මිනිස්සුන්ගෙ ඇස් බැඳලා තියෙන්නේ.

    ReplyDelete
  9. @කසුන්
    පන්සල හරි හාමුදුරැ කෙනෙකුව (අදාල වැරැද්ද කරන) විවේචනය කලාට පව් සිදු වෙන්නෙ නැහැ.ඒත් අකුසල් සිදු වෙන්නෙ ඒක් දුස්සීල අයෙකුගෙ ක්‍රියාවක් අරගෙන අතිතගේ වැඩ සිටි සහ අනාගතයේ සිටින සිල්වත් භික්ෂුන් වහන්සේලා සියල්ලන්ට අගෞරව වන විධිහෙ දේවල් කියන්න ගියොත් විතරයි.ඩනිෂ්ක කියල තියන කතාව සම්පූර්ණ ඇත්ත.අද ර‍ටේ බහුතරයක් ඉන්නෙ දුසිල්වත් භික්ෂූන් ඒගොල්ලො දන්නෙ නැහැ ඇයි ඒ අය සාසනයට ආවෙ කියල.

    ReplyDelete
  10. මම පොඩිකාලේ ගියපු පන්සලේ, රත්තරන් තියා, කිසිම වැටක් බොගහ වටේ තිබුනේ නැහැ. පොල් අතුරටාවට අතු ගාපු සුදු වැල්ල විතරයි. වටේට අරලිය ගස්. සද්දෙකට කියලා තිබුනේ කුරුල්ලෝ කෑගහනවා විතරයී. හවසට පොඩී හාමුදුරුවරු බන මඩුව ලග ක්‍රිකට් ගහනවා. ඒ දවස්වල මම පන්සල් ගියේ කවුරුවත් කියලාවත්, බුදු බන අහන්නවත් නෙවෙයී. ඒ තිබුනු නිස්කලන්කය නිසයී. පෙරකල පවකටදෝ කොහෙද, දැන් එහම නිදහස් නිස්කලන්ක පන්සලක් හොයාගනවත් නැහැ. හැම තැතම ලව්ස්පීකර අටවලා. හාමුදුරුවෝ ඉන්නේ කීයක්ද මේ දායකයාගෙන් ඉල්ලාගන්නේ කියලා (හාමුදුරන්ට පුරස්න නැහැ කියලා මම කියන්නේ නැහැ )

    ඔය පලමු පදහස් පලකල උන්දෙලානම් බුද්ධදර්මය ගැන කිසිම දෙයක් නොදන්නා හැඩයි. කොහොම උනත් ආගම කියන්නේ කිසිම විවේචනයකට බදුන් නොවී ඕනෑම වසල වැඩක්, මොඩවැඩක්, ත්‍රස්ත වැඩක් කරන්න පුලුවන් සංස්තාවක්නේ.

    ReplyDelete
  11. කසුන්ගේ කතාව ඇත්ත තමා. ඔහුම එහිදි සියලු දෙනාවම ආවරණය කරලා නෑ නොවැ. නමුත් ගිණිමකරාගේ කතාව ඇත්ත. හාමුරුදුවන් විසින් සමාජයට දෙයක් කළ යුතු වුවත් කෙමෙන් ගිහින් උන් වහන්සේලාව දක්කාගෙන යන වෙලාවල් තියෙනවා. ඇතැම් හාමුරුදුවන් වුවත් බොහෝ විට කරන්නේ කටින් බතල හිටවිමක්, ඔවුන් ක්‍රියාවෙන් මේවා කල යුතු වුවත් එවැන්නක් අඩුයි. මෙවැනි දේ නිසාම බුදු දහම් ගැන් කලකිරුණු අයත් ඉන්නවා.

    ReplyDelete
  12. මට මේක දැක්කම මතක් වුනේ බියෝන්ඩ් ගේ බවුද්ද කමයි බෞද්ධ කමයි ගැන ලියවුනු ලිපිය.. මම මේ ලිපිය සමග සෑහෙන්න එකගයි!

    ReplyDelete

Post a Comment

Popular posts from this blog

හේරත් ගෙදර ගියා

2008 වසරේ දිනක මධ්‍යම පළාත් තොරතුරු තාක්ශන පුහුණු මධ්‍යස්්ථානයේ පැවති දින 5ක නේවාසික වැඩසටහනක් අධ්‍යාපන අමාත්‍යාංශයෙන් දියත් කළා. මේක කළේ සුෙච්ත ඔව් අර අලුත්ගම සින් එකට තනියම පිකට් කළේ එයා තමයි. මේ වැඩසටහනට විවිධ ගුරු චරිත එක්ව සිටියා. ඒ අය විවිධ වු හැකියාවන් වගේම ගති ගුණ තිබු අය. හේරත් සර් ඔවුන් අතරින් කෙනෙක්. නඩේ ගුරා මෙරට ‘පරිගණකයක් භාවිතයෙන්’ රජයේ පාසලක පරිගණක අධ්‍යාපනය ලබා දේ නම් ඒ සැම පාසලකම වගේ තොරතුරු තාක්ශන ගුරුවරු මෙන්ම අධ්‍යාපන විද්‍යාපිඨ වල පිරිස් ද මේ හේරත් චරිතය අනිවාර්යෙන්ම දන්නව. මොකද පාසල් වල වාර්ශික පරිගණක නඩත්තුව සදහා රට වටා යන ගුරුවරුන් කිහිප දෙනාගෙන් කෙනෙක් මොහු. අැත්තටම මොහු ඒ ගමනේ නඩේ ගුරා කිවත් වැරදි නැ. කොට අදින අලි මේ පිරිස රටවටේ යමින් පැත්තකට විසි කර තිබු පරිගණකවලින් අඩකට වඩා සැම විටම යළි භාවිත කළ හැකි අයුරින් පිළිසකර කර දීමත්, පාසල් වලින් එන ගුරුවරුන් සහ දරුවන් සදහා තම දැණුම බෙදා දිමත් නොපැකිලව සිදු කරනව. නමුත් මේ මුදල් ඉතිරිය ඔබ මෙතෙක් නොදැන සිටියා විය හැක. බටා ගෙනව නේද? ඇත්තටම ගාල්ල අවට පුදගලික මට්ටමින් අප සංවිධානය කළ වැඩසටහන් ගණනාවකට නුවර සිට තම යතුරු …

අයියයි නංගියි

මධ්‍යම පලාතේ අපි දන්න රෝහලක ඇති ඉදිකිරීම් වැඩබිමක සේවය කරන නිමල්ගෙ මව මැතකදි මිය ගිය පසුව ඔවුන්ගෙ පියාගේ කුබුරු වැඩ අතරමග නවතින්නෙ උදව්වට තවත් කෙනෙක් නැති නිසා.  නිමල්ගෙ නංගි නදීශා 8වසරෙ ඉගෙනුම ලබන්නෙ නුවරට ආසන්න මධ්‍යමහා විද්‍යාලයක. ඇය ඉගෙනීමට දක්ෂයි.  සාමාන්‍යන්  කුඹුරට අයියල නංගිල ගියාට වැඩබිමකට අයියල නංගිලා යන්නෙම නැති තරම්. නමුත් නිමල් ඔහු දැනට වැඩ කරන වැඩබිමට තම නංගිවවරක් එක්කරගෙන යනව. ඒ අත් උදව් දෙන්න නම් නෙමෙ.
නිමල් එහෙම කරන්නෙ වැඩ බිමේ කටයුතු සිදුවන අයුරු පෙන්වීමට සහ එහි සේවය කරන ඉංජිනේරු මැඩම්ව පෙන්වන්න.  තම නංගිත් කෙදිනක හෝ ඉංජිනෙරු වරියක් වනු දැකීමට ඇති ආසාව නිසා ඇය දිරිමත් කිරීමටයි නිමල් මෙහෙම කරන්නෙ.
ඇත්තටම නිමල්ලා තව ගොඩක් සමාජයේ ඉන්නව, ඒ අයගෙන් අපි ඉගෙන ගත යුත්තේ මෙයයි.  ඔබට බාල සහෝදර සහෝදරියෝ නැතත් ඔබටත් පුලුවන් නිමල් කෙනෙක් වෙන්න. කෙනෙක්ට අත දෙන්න තවමත් ඔබ පමා නැ.

මෙය සත්‍ය සිදුවීමක් වන අතරම අද උදැසන සිංහල අවුරුද්දට සුබ පතන්නට අකුර හරහා ශිෂ්‍යත්වයක් ලබන දියනිකට සහ ඇගෙ පියාට දුරකතන ඇමතුමක් දුන් විට මට අහන්න ලැබුනු තොරතුරකි.

සුබ අලුත් අවුරුද්දක් වේවා!

සැ:යු: නම් මනක්කල්ප…

බිංගන්තලාව සාගලපුර වෑයම - පළමු අදියර

මීට පෙර මා සඳහන් කළ පරිදි නුවර එළිය දිස්ත්‍රික්කයෙ දුෂ්කර පාසලක් වන බිංගන්තලාව සාගලපුර පාසලට පරිගණක ලබා දිමේ වැයමේ මූලික අදියර සාර්තක කරගැනීමට 2014 ජනවාරි 6දින හැකි විය.



ඉතා චාම්ව සරලව දෙමාපියන්ද සහබාගි වූ රැස්විමකදි මෙම වැඩසටහන නිළ වශයෙන් ක්‍රියාත්මක විය.






මම මේ ඊළඟට කියනවචන ටික හොදින් කියවන්න. මේක ජාති බේදයක් ඇති කරන්න කියන දෙයක් නෙමෙ

"සාගලපුර පාසල දෙමළ වතු වලින් වටවුන පාසලක්. ඒ පාසලේ සිට සිංහල බසින් ඉගේනීම කරන්න මේ දරුවන්ට යන්න තිබෙන අනෙක් පාසල තිබේනනෙ කිලෝ මිටර් 30කටත් දුරින්. හිතන්න අපි ඉන්න පැති වල කිලෝ මිටර් 30ක් තුළ පාසල් කොපමණ තිබෙන වාද කියල.
වටේ තියෙන දමිළ මාධ්‍ය පාසල් හරහා සිංහල ප්‍රධාන භාශාක් ලෙස මේ දරුවන්ට ඉගෙන ගන්න අවස්තාවක් තිබුනනම් මීට වඩා පහසුකම් ඔවුන්ට ලැබීමට අවස්ථාව තිබෙන්න පුලුවන්."




ඉතින් ඉහත කාරණාව වගේම පාසලේ ඉන්නෙ ඉතා සීමිත ගුරු පිරිසක්, ඒවගේම ඔවුන් කිසිම කෙනෙක් ගමේ අය නෙමෙ, ඉතා දුර බැහැර සිට එන්නෙ. ගොඩක් අය තමන්ගෙ සීමාවාසික කාලයෙන් පසු පාසලේ රැදෙවි කියල හිතන්න අමාරුයි.

ඉතින් මේ වගේ ගුරුවරු සීමිත පාසලකට ළමුන්ට ස්වන් අධ්‍යාපනයක යෙදීමට හන්තාන ලිනක්ස් …