Sunday, September 29, 2013

උපන්දින දෙකක් සමඟ හන්තාන 19

මීට වසර 30කට පෙර එනම් 1983 සැප්තැම්බර් මස 27දින රිචර්ඩ් ස්ටෝල්මන් විසින් ආරම්භ කළ GNU ව්‍යාපෘතියෙ 30වන උපන්දිනයද, 2009 සැප්තැම්බර් මස 19 දින හන්තාන ලිනක්ස් ව්‍යාපෘතියේ 4වන උපන්දිනයද සමරමින් හන්තාන නවතම නිකුතුව මේ දැන් නිකුත් විය.


හන්තාන ගැන කතාව පැත්තකින් තියල කෙටියෙන් කියන්න දෙයක් තියෙනව දැන්. :)


ඔබ සියලු දෙනා දන්නා පරිදි ලංකාවේ මෙන්ම ජාත්‍යන්තරවද අලි ඇතුන්ට විශාල තර්ජනයක්
තියෙනව. විශේෂයෙන්ම ඇතුන්ගෙ දළ කැපීම, මිනිසාගෙ කාර්යයන් සඳහා අලි ඇතුන් ලබා ගැණීම, ඔවුන්ගේ ස්වාභාවික නිජබිම් වලින් දුරස්කර මිනිසාගේ පුද්ගලික වැඩ (කොටන් අදින්න, මිනිසුන් ප්‍රවාහනයට.. ) සත්ව උද්‍යාන වල මිනිසා වෙනුවෙන් සන්දර්ශන ඉදිරිපත් කිරීමට යනාදි නොයෙකුත් ක්‍රියාවන්ට මෙන්ම ස්වාභාවි වන විනාශය නිසා අලින් ගම් වැදිමෙ සිදුවන අලි මිනිස් ගැටුම්ද ඔවුන්ගෙ පැවැත්මට බලපාන සාධකයක්.

සාමාන්‍යන් අප්‍රිකානු අලින්ට වඩා ආසියානු අලි ලස්සනයි කියල බොහොදෙනා පිළිගන්න දෙයක්. ඒවගේම ලංකාව වගේ රටවල සංස්කෘතිකමය අගයකුත් අලි ඇතුන්ට තිබෙනව. ඉතින් මෙහෙම වටින කියන සතෙක් ඉදිරි අනාගතයේදි මේ මිහිතලයෙන් වඳවී යන්න හැකියාවක් අපේ මිනිස් සමාජයේ අකටයුතු කම් නිසා සිදු වෙනව.
 හන්තාන 19 නිකුතුව Tusker 'ටස්කර්' ලෙස නම් කරන්න තීරණය කළේ සමාජයේ අවදානය යොමු විය යුතු මෙම අලි ඇතුන් ගැන ප්‍රජාව දැණුවත් කිරිමට සහ ඔවුන්ගෙ අවදානය ලක්කිරීමටයි.



මෙවර Hanthana 19 Tusker නිකුතුවෙ පෙරනිමියෙන් එන පසුබිම් රුව සඳහා දායකත්වය ලබා දුන්නෙ පරිසරවේදි චන්දන වීරතුංග මහතාට ස්තුතිය පිරිනමන අතර තම නිර්මාන දායකත්වන් ලබා දීමට කාරුණික වූ වෛද්‍ය දීපානි ජයන්තා, ලිෂාන් පුවක්ඔවිට සහ සමන් හෙරත් යන මිතුරන්ට ද සතුටින් මතක් කරමි.

හන්තාන 19 නිකුතුවට අදාල තවත් නිමැවුම් කිහිපයක් ඉදිරි දිනවලදි නිකුත් වීමට නියමිතයි.

හන්තාන 19 බාගැණීම සඳහා පහත සබැඳිය භාවිත කරන්න.
http://hanthana.org/download.php

9 comments:

Ishan said...

great work..

Chinthaka Supun said...

සුපිරි.......... අනිවා ගන්නවා,,,

ලක්ෂ්මන් තිලකරත්න said...

ස්තුතියි ඩනිෂ්ක

තීර්ථ යාත්‍රිකයා said...

keep up the good work guys. thank you

අටම්පහුර said...

ඇත්තටම ලස්සනයි

SilentSahan said...

සයිස් එක කීයද ...?

Dee said...

ඉතා කාලෝචිත වැඩක්, ස්තුතියි! මෙන්න තව විස්තර http://www.rivira.lk/epaper/sunday/2013/09/29/index.html#44/z

රෙහානි said...

අටම්පහුර කී පාරෙන් මාත් ආවෝ

සචින් said...

එල.. ඒ වැඩේ නම් නියමයි.. ඔන්න අටමගෙන් දැනගෙන තමා මේ පැත්තේ ආවේ.. දිගටම එන්නම්.. එල... මං මතක මාවතේ සචින්..

mathakamawatha.blogspot.com