සටහනේ මුලින්ම පැහැදිලිව ලියන්නම්:
සීපා හෝ වෙනත් ඕනෑම ක්‍රියාවක් නිසා මෙරටට හානියක් වනවා නම් එයට මා එකඟ නැ!
Image: via PriyangaMahasen
කව්රු හරි සංවිධාන ගත වෙනවා නම් ලංකාවේ තොරතුරු තාක්ෂණිකයන් වෙනුවෙන්, ඒ වෙන්න ඔනා සීපා ඉලක්ක විරතක්ම නෙමෙ.
මොකද අපිට තිබෙන අවස්තා නැති වෙන්නේ සීපා හරහාම විතරක් නෙමෙ. උදාහරණයකට ලංකාවට එන ආයෝජකයින් ගෙන් කොමිස් මුදල් ගන්න ගිහින් ඒ ආයෝජන අපේ රටට නැති වෙනව වගේම ඒ සඳහා අවස්තාව යන්නෙ අනෙක් රට වලට. එහෙම වෙලාවට තමන්ගෙ පුද්ගලික දේශපාලන මතය වෙනුවෙන් කට-- වගෙන ඉන්නවනම් වැඩක් නැ.
එවගේම සිපාට අපි විරුද්යි කියන්න කලින් ගිවිසුමේ සත්‍ය සිංහල පිටපතක් සහ දමිළ පිටපතක් එලි දක්වා ඒ ඇත්තටම සීපා හරහා ඇතිව වන අවධානම ගැන කතා කරනවා විනා තමන්ගේ දේශපාලන ප්‍රතිරූපයහදාගන්න ඉදිරියට එන අයට කඩෙ යන්න එපා.
ලංකාවේ තොරතුරු තාක්ෂණය නිසි ලෙස ක්‍රියාත්මක වීමට නම් වඩා හොඳ ආයෝජනයන්, පුහුණු ශ්‍රමිකයන් සහ මේ දෙපිරිසටම ගැලපෙන වඩා සුදුසු නියාමණයක් තියෙන්න අවශ්‍යයි.
පුහුණු ශ්‍රමිකයන් විදියට ගත්තම තොරතුරු තාක්ෂණය යටතේ වැටෙන සමහර අංශ සඳහා සුවිශේෂි දැණුමක් සහිත ශ්‍රමිකයන් අපේ රටේ සිටින්නෙ ඉතා අල්ප ප්‍රමාණයක්. එවගේම ඒ වැනි හිඩැස් පිරවීමට අවශ්‍ය ඕනෑම රටකින් මෙටට බුද්ධිගලනයක් අවශ්‍ය වෙනව.
මේ සඳහා ආසියාවේ දියුණු රටවල් පවා ශ්‍රී ලංකික වෘතිකයන් භාවිත කරන අතර එවැනි අවස්තාවක අදාල රටෙ රැකියාව කරන්න දෙන්නෙ අවට ගියාවට නෙමෙ යම් කිසි පිළිගත් සම්මතයන්ට සහ නීතිරීති වලට අනුකූලව.
එවගේම ඉංදියාවේ සිටින පෙට්ටිකඩ කරයා මෙහෙ ආවත් අභ්‍යවකාශ තාක්ෂණය හෝ න්‍යෂ්ඨික තාක්ෂණය වැනි ඉහළ සුදුසුකම් ලත් අය මෙහෙ එන්නෙ නැ. මොකද ලංකාවේ තොරතුරු තාක්ෂණි ආයතනයක් පටන්ගන්න අවශ්‍ය සුදුසු ශ්‍රමයක් නැති නම් ඉතින් පෙට්ටි කඩයක් තමයි දාගන්න වෙන්නෙ. මොකද මෙහෙ ඇවිත් ලංකාවෙන් චන්ද්‍රිකාවක්වත් යවන්නද?
මම මෙහෙම කිවේ අදාල ගිවිසුම සඳහා අපි සංවාදයක් ගොඩ නගද්දි රටට වෙන වාසි අවාස ගැන කතා කරනවා මිසක, තවත් රටක අපි වගේම සිටින පිරිසකට අපහාස කරන්න අවශ්‍ය නැ.
ලංකාවේ ගොඩක් අය ඉංදියාවේ උපාදි කඩ ගැන කතා කරනව, නමුත් එහෙම ලංකාවෙන් කතා කරන සමහර අයත් එවගේම කඩ වලින් ඉගෙන ගනිමින්ම කතා කරන එක විහිලු සහගතයි. ඇයි ලොව ශ්‍රේණිගත කිරීම් වලදි තොරතුරු තාක්ෂණික අංශයෙන් ඉංදියාවේ Indian Institute of Technology (IIT) විශ්ව විද්‍යාල කිහිපයක් ලොව හොඳම විශ්ව විද්‍යාල 100 ලැයිස්තුවේ ඉන්නව. නමුත් අපි ඉන්නෙ කොහෙද කියල අපි දන්නව නේද?
මේ කව්රුවත් ඉංදියානු සමාගම් හරහා ලොවට දායාද කළ කිසිදු සිවිශේෂ ව්‍යාපෘතියක් ගැන කතා කරන්නෙ නැ. ඒ මොකද, ඒ අය දන්නෙ තමන් කාගෙන් හෝ අහගත් අපහාසාත්මක කතන්දර මිසකම, තාක්ෂණයට ඔවුන්ගෙ ඇති දායකත්වය ගැන සඳහනක් ඇත්තෙම නැ.
අපි රටක් විදියට කිසිම රටකට ආයෙත් යටත් වෙන්න වත්, අපේම රටේ දේශපාලකයින්හෝ වෙනත් කොටසකටවත් යටතෙ සිටින්න අවශ්‍ය නැ. අපි අනෙකුත් රටවල් සමඟ සුහදව කටයුතු කරමින් අපිට නැති සම්පත් වෙනත් රටක් හරහා මගහරවාගමින් අපි ඉදිරියට යන්න අවශ්‍යයි.
ලිංමැඩි දේශපාලකයින්ගේ හෝ ඔවුන්ට අනුගාමිකයන්ගෙ වීර සටන්පාඨ දැන් කරලියට එන මොහොතේ ඔබේ සිහිනුවනින් වඩා සුදුසු දේ කරන්න.
ජයවේවා!
Comments
Post a Comment