Skip to main content

උතුරු මැදපලාතේ නිදහස් සහ විවෘත කේත මෘදුකාංග හදුන්වාදිමේ වැඩසටහන්

පසුගිය මාස දෙක තුළ ලංකාවේ විශාලතම පලාත වන උතුරු මැද පලාතේ ලිනක්ස් භාවිතය නැන්වීම සඳහා වැඩසටහන් කිහිපයක් දියත් කරන ලදි.

අනුරාධපුර දිස්ත්‍රික්කයේ තබුත්තේගම සහ මැදවච්චිය අධ්‍යාපන කලාප සඳහා ද පොලොන්නරුව දිස්ත්‍රික්කයේ හිගුරක්ගොඩ සහ දිඹුලාගල අධ්‍යාපන කලාප සඳහා ද හන්තාන ලිනක්ස් භාවිත කරමින් විවෘත කේත මෘදුකාංග හදුන්වාදිමේ දෙදින පුහුණු වැඩසටහන් ක්‍රියාත්මක කරන ලදි. මේ සඳහා අදාල කලාප අධ්‍යාපන කාර්යයලාවල සහාය ඇතිව එම ප්‍රදේශයේ තොරතුරු තාක්‍ෂණ ගුරුවරුන්ගේ සහභාගිත්වයෙන් ඉතා සාර්තකව නිමා විය.

අනුරාධපුර දිස්ත්‍රික්කය:
 
තඹුත්තේගම අධ්‍යාපන කලාපය
දිනය  : 2011 මැයි මස 20 හා 21

වේලාව : පෙ.ව. 8.30 සිට ප.ව. 5.00 දක්වා
ස්ථානය :
එප්පාවල සිද්ධාර්ථ විද්‍යාලය
සම්බන්ධීකරණය :- තුසිත කුමාර මහත්මා
  

කැබිතිගොල්ලෑව අධ්‍යාපන කලාපය
දිනය  : 2011 ජුනි මස 08 හා 09
වේලාව : පෙ.ව. 8.30 සිට ප.ව. 5.00 දක්වා
ස්ථානය : මෛත්‍රිපාල සේනානායක මධ්‍ය මහා විද්‍යාලය, මැදවච්චිය
සම්බන්ධීකරණය :- ලයනල් මහත්මා

පොලොන්නරුව දිස්ත්‍රික්කය:

හිඟුරක්ගොඩ අධ්‍යාපන කලාපය
දිනය  : 2011 ජූලි මස 12 හා 13
වේලාව : පෙ.ව. 8.30 සිට ප.ව. 5.00 දක්වා
ස්ථානය : හිඟුරක්ගොඩ ආනන්ද බාලිකා ජාතික පාසල
සම්බන්ධීකරණය :- පාලිත බද්දේගම මහත්මා


දිඹුලාගල අධ්‍යාපන කලාපය
දිනය  : 2011 ජූලි මස 15 හා 16
වේලාව : පෙ.ව. 8.30 සිට ප.ව. 5.00 දක්වා
ස්ථානය : පො/දිඹු/ සෙවනපිටිය මහා විද්‍යාලය
සම්බන්ධීකරණය :- පාලිත බද්දේගම මහත්මා හා කලාප තොරතුරු තාක්ෂණ විෂයය භාර අධ්‍යක්ෂතුමිය



                      වැඩසටහනට එක් වූ හිගුරක්ගොඩ කලාපයේ තොරතුරු තාක්‍ෂණ ගුරුවරුන් පිරිසක්

වැඩසටහන් සියල්ල අතරින්ම හිගුරක්ගොඩ කලාපය සඳහා දියත් කළ වැඩ සටහන සඳහා 50කට ආසන්න පාසැල් ගුරුවරුන් පිරිසක් එක් වීම සුවිශේෂි සිද්ධියක් වූ අතර, පරිගණක 20ක් මඟින් මේ කටයුතු ආවරණය කරගැනීම අසීරු වුවත් ගුරුවරුන්ගේ උණන්දුව සම්පත් හිගයට වඩා කැපිපෙනුනි.  නාගරික පෙදෙස්වල මෙන් ප්‍රවාහන පහසුකම් නිසි ලෙස නොමැති කම නිසා සමහරෙක් මද සවස 4.30ට පමණ නික්ම ගියත් සමස්තයක් ලෙස වැඩසටහන සාර්ථකව නිම විය.


ඉහත සියලු වැඩසටහන් සඳහා මූලික කටයුතු මෙන්ම සම්බන්ධීකරණ කටයුතු අනුරපුර, අන්ගමුව, රාජාන්ගනය යාය 6 අ/අන්ගමුව යාය 6 විද්‍යාලයේ තුසිත කුමාර මහතා විසින් සිදු කළ අතර වැඩසටහනට දායකවු සියල්ලන්ටම ප්‍රජාව වෙනුවෙන් ස්තුතිය පළකරමි.

තවද දිඹුලාගල කලාපය සඳහා සිදු කළ වැඩසටහන සඳහා පැමිණි ගුරුවරුන්ගෙන් එක් පාසැලකට පමණක් ADSL සබදතාවය හිමිව තිබීම පුදුමයකට කාරණයක් විය. කොළඹ සිටින මිතුරු මිතුරියන් තමන්ගේ ජාල වේගය පිරික්සද්දි මෙවැනි පලාත් වල කරන්න තියෙන්නේ වේගය කෙසේ වෙතත් ජාල සම්බන්දය තිබේද නැද්ද යන වගයි. 

කෙසේ වෙතතත් අන්තර්ජාල භාවිතය සඳහා අවම පහසුකම් ඇති පෙදෙස්වල සිටින පරිශීලකයින් ඉලක්ක කරගනිමින් එළදැක් වූ හන්තාන ලිනක්ස් ව්‍යාපෘතිය මෙහි අවශ්‍ය තාවය ඇති පිරිස් වෙත රැගෙන යාමට විවිධ අයුරින් (සම්බන්ධීකරන, නවාතැන් ඇතුලු මූලික අවශ්‍යතා) එක් වූ සැමට ස්තුතියි. 

මා සමඟ වැඩසටහන් අතර වාරයේ උතුරු මැදපලාතේ සුවිශේෂි ස්තාන දැකබලා ගැනීමට සහාය වු උදාර, නදීක, දිමුතු, අසේල, බණ්ඩාර, පාලිත සහ තිලක් යන මිතුරන්ද සතුටින් මතක් කර සිටිමි.

Comments

  1. නිහාවි පළමුවම ගෙන යා යුතු තැනට - පාසලට ගෙනයාමට ඔබ දරන උත්සාහය ඉත් අගය කොට සලකමි.

    ReplyDelete
  2. නිහඩවම කරන්නා වූ මේ සේවාවට අපගේ උපහාරය!!

    ReplyDelete
  3. දිගටම කරගෙන යන්න.සුභ පැතුම්!!!!!!!1

    ReplyDelete
  4. ඒ වගේ වැඩ සටහන් කරන එක ගොඩක් හොඳයි,,,නියමයි සුභ පැතුම්.

    ReplyDelete
  5. බන්දුල, ඩීප්ස්, නදීස්, මලිති:

    ඔබ සැමට ස්තුතිය :)

    ReplyDelete
  6. හිතවත් ඩනිශ්ක, ඔබ උතුරුමැද පළාතේ පාසල් තුළ හන්තාන ලිනක්ස් හඳුන්වාදීමේ වැඩසටහන් සඳහා ගුරුභවතුන් පුහුණු කිරීම සඳහා ගත් උනන්දුව හා උත්සාහය පිළිබඳව උතුරුමැද පළාතේ තොරතුරු තාක්ෂණ විෂයය තුළ රැදී සිටින සියලුම ගුරුභවතුන් වෙනුවෙන් බෙහෙවින්ම ස්තුති වන්ත වෙනවා.
    එහිදී සමහර අවස්ථා වලදී සාර්ථකව එම වැඩසටහන් ක්‍රියාත්මක කරන්නට හැකි වූ අතර සමහර ස්ථාන වලදී ඔබ බලාපොරොත්තු වූ මට්ටමට එම ක්‍රියාවලිය සිදු නොවීම ඔබගේ කනස්සල්ලට හේතු වුවත්, අවස්ථාවෝචිතව ඔබ එම කාර්යය සම්පූර්ණ කිරීමට ගත් උත්සාහය අගය කළ යුතුමයි.
    විශේෂයෙන්ම තොරතුරු තාක්ෂණ අධ්‍යාපන බලධාරීන්ගේ අවධානය මේ පිළිබඳව මීට වඩා බෙහෙවින් ම යොමු විය යුතු බවයි මාගේ හැගීම.අප වැනි රටකට විවෘත හා නිදහස් මෘදුකාංග භාවිතය මඟින් ඉතිරි කර ගත හැකි ජාතික ධනය අති මහත්. අනෙක් අතින් අධ්‍යාපනික වශයෙන් බෙහෙවින් වැදගත් මෘදුකාංග ගණනාවක් හන්තාන තුළ අන්තර්ගතයි.
    ඔබගේ සද්කාර්යය සඳහා දේශීයත්වය ගැන වේදිකා මත දේශනා කරන නිසි බලධරයන්ගේ අවධානය තවමත් යොමු නොවීම කනස්සල්ලට කරුණක් උවත් ඔබ ඇතුලු කණ්ඩායම දරන උත්සාහයට අප බෙහෙව්න් ම කෘතවේදීත්වය පල කරනවා.
    එපමණක් නොව අපට හැකි අයුරින් ඔබගේ කාර්යයට දායක වීමටද අප සූදානම්.

    ReplyDelete

Post a Comment

Popular posts from this blog

හේරත් ගෙදර ගියා

2008 වසරේ දිනක මධ්‍යම පළාත් තොරතුරු තාක්ශන පුහුණු මධ්‍යස්්ථානයේ පැවති දින 5ක නේවාසික වැඩසටහනක් අධ්‍යාපන අමාත්‍යාංශයෙන් දියත් කළා. මේක කළේ සුෙච්ත ඔව් අර අලුත්ගම සින් එකට තනියම පිකට් කළේ එයා තමයි. මේ වැඩසටහනට විවිධ ගුරු චරිත එක්ව සිටියා. ඒ අය විවිධ වු හැකියාවන් වගේම ගති ගුණ තිබු අය. හේරත් සර් ඔවුන් අතරින් කෙනෙක්. නඩේ ගුරා මෙරට ‘පරිගණකයක් භාවිතයෙන්’ රජයේ පාසලක පරිගණක අධ්‍යාපනය ලබා දේ නම් ඒ සැම පාසලකම වගේ තොරතුරු තාක්ශන ගුරුවරු මෙන්ම අධ්‍යාපන විද්‍යාපිඨ වල පිරිස් ද මේ හේරත් චරිතය අනිවාර්යෙන්ම දන්නව. මොකද පාසල් වල වාර්ශික පරිගණක නඩත්තුව සදහා රට වටා යන ගුරුවරුන් කිහිප දෙනාගෙන් කෙනෙක් මොහු. අැත්තටම මොහු ඒ ගමනේ නඩේ ගුරා කිවත් වැරදි නැ. කොට අදින අලි මේ පිරිස රටවටේ යමින් පැත්තකට විසි කර තිබු පරිගණකවලින් අඩකට වඩා සැම විටම යළි භාවිත කළ හැකි අයුරින් පිළිසකර කර දීමත්, පාසල් වලින් එන ගුරුවරුන් සහ දරුවන් සදහා තම දැණුම බෙදා දිමත් නොපැකිලව සිදු කරනව. නමුත් මේ මුදල් ඉතිරිය ඔබ මෙතෙක් නොදැන සිටියා විය හැක. බටා ගෙනව නේද? ඇත්තටම ගාල්ල අවට පුදගලික මට්ටමින් අප සංවිධානය කළ වැඩසටහන් ගණනාවකට නුවර සිට තම යතුරු …

ජාතිවාදය සහ අන්තර්ජාල නිදහස

තිස් වසරක යුද්ධයෙන බැටකැ රටක් ලෙස අමිහිරි අත් දැකීම් සහ කදුලු පිරිණු රටක් යළිත් ලේ විලක් බවට පරිවර්තනය වීම කිසී සේත්ම නොවිය යුත්තක්!

තම දේශපාලන, ව්‍යාපාරික සහ උද්ගලික අවශ්‍යතා සඳහා කෝටත් තෛලය ලෙස ජාතිවාදය ඈවිස්සීම අපේ රටේ සමහරක්ට සුලු දෙයක්.

අපි මොකක්ද බලා පොරොත්තු වෙන්නේ? සිංහල දෙමාපියන් යටතේ අපි ඉපදුන නිසා අපි අනෙක් ජාතීන්ට වෛර කරනවද?

මීට සති කිහිපයකට උඩ දී මේ දුපතේ ජනප්‍රිය පුවතක් වූයේ සිංගප්පුරු රජය තම අයවැයෙන් පසුව 2018 වසර සඳහා සිංගප්පුරූ ඩොලර් 300ක් බැගින් තම රට වැසියන්ට "Hongbao" නම් වූ බෝනස් එකක් ලෙස බෙදා දීමයි.

මෙහි දි සත්‍යලෙසම සිදු වූයේ වාර්ශික ආදායම සි.ඩොලර් 28,000ට අඩු නම් සි.ඩොලර් 300ද, වාර්ශික ආදායම සි.ඩොලර් 28,001 ත් - 100,000ත් අතර නම් සි.ඩොලර් 200  වාර්ශික ආදායම සි.ඩොලර් 100,000ට වැඩි නම් සි.ඩොලර් 100ක්ද ලෙසයි.
අපේ අය මේයට හේතුව ලෙස දැක්කේ සිංගප්පුරු රජයේ සියලුම අමාත්‍ය වරුන් උපාධි ධාරින් වීමයි.

එතකොට රටේ වෙන කිසිදු වෙනසක් නැද්ද?

සරලව පවසනවා නම් දෙවන ලෝක යුද්ධයේදි (1942-1945) ජපාන අධිරාජ්‍යා යටතට පත්වන සිංගප්පුරුව යුද්ධය අවසන් වෙත්ම බ්‍රිතාන්‍ය පාලනයටත්…

කණ්ඩියපිටවැව නාලන්දාවට වල් අලින්ගෙන් තෑග්ගක්

පසුගිය කාලයේ රටවටේ විවිධ වැඩසටහන් සඳහා එක් වුවත් ඊයේ පෙරෙදා උන සිදු වීම නම් ලියන්නම ඔන කියල හිතුනා.

කණ්ඩියපිටවැව, නාලන්දා පාසලට පසුගිය ජූලි 19 දින ගියේ මීට පෙර කිසි දිනෙක නොදුට පිරිසක් සමඟ..


උදේ පාන්දර 3.30ට පමණ ගෙදරින් පිටත්වෙලා, වල් අලි කරදර වලින් දුක්විදින ජනතාවගෙ ජීවන තත්ත්වය උසස් කිරීමට සහාය වන Born Free Foundation ආයතනයේ මිතුරන් සමඟ   කොළඹදි එක් විමෙන් අනතුරුව බලංගොඩ තණමල්විම මාර්ගයේ ගමන් කරන කොට හම්බවෙන හම්බේගමුව ප්‍රාදේශීය ලේකම් කාර්යයාලයට අයත් ප්‍රදේශයට අපි ලගා උනේ දවල් 1ත් පහුවෙද්දි. අපි යද්දි පාසල් වාර විභාගය ලියමින් සිටි ලමයි ගෙදර යන්න කලින් වදිනව.. එවගේම පොඩි පැංචො ටිකක් නම් ඒ වෙද්දිත් අපි එන අතරමග...



පාසලට ඇතුල් වන විටම ලැබුණු සිනා සංග්‍රහය


මේ වෙද්දි පරිගණක විද්‍යාගාරය (මෙය මුලින් ගොඩනගල තියෙන්නෙ පුස්තකාලයකට) විදුලිය ලබා දි තිබුනෙ නැ, එවගේම අවශ්‍ය අභ්‍යන්තර රැහැන් ඇදීමක්ද තිබුනෙ නැ.  පෙරෙදා පාසලෙ තිබුණු උත්සවේකදි කියවුනෙ ඒ ගොඩනැගිල්ලට ආණ්ඩුවෙන් 50,000ක මුදලක් ලැබුනත් ඉස්කොලෙ ලොකු සර්, ගුරුවරු, පාසල් ලමුන් සහ ගම්මු එකතු වෙලා තවත් බාහිර පිරිස් සමඟ මේ වැඩේ අහවර කරගෙන. …