Skip to main content

හන්තාන පාසැල් පරිගණක ව්‍යාපෘති ප්‍රගති වාර්තාව : 2012 මාර්තු 22

01 වන ව්‍යාපෘතිය:  වලපනේ අධ්‍යාපන කලාපය, මධ්‍යම පලාත
මෙය අප විසින් පළමුවෙන්ම දියත් කිරිමට නියමිතවු පාසැල් විද්‍යාගාරය වන අතර එහිදි අප නව පරිගණක ලබා දීමට පොරොන්දු චිය. නව පරිගණක ලැබුනු විගස මෙම ව්‍යාපෘතිය ආරම්භ කළ හැක. මෙම විද්‍යාගාරය සඳහා පාසැල තුළ සුදුසු ඉඩක් තිබෙන අතර ප්‍රදේශයේ දේශපාලනඥයකු විදුලි සැපයුම ලබා දීමට පොරොන්දු වී ඇත.
සාරාංශය: ව්‍යාපෘතිය ඇරඹීමට අවශ්‍ය නව පරිගණක ගණන 5 කි.
සටහන: නව පරිගණක 5ක් හැකි ඉක්මනින් අවශ්‍යව ඇත.
සම්බන්ධීකාරක: අතුල හේරත්  0718-217443

02 වන ව්‍යාපෘතිය: මලල්ගොඩ සිරි සීවලි ප්‍රාථමික විද්‍යාලය, අහංගම, (ගාල්ල අධ්‍යාපන කලාපය)
දැනට එක් පරිගණකයක් මගින් ක්‍රියාත්මක වේ. සිංහල අවුරුද්දෙන් පසුව තවත් භාවිත කළ පරිගණක 3ක් එක් කිරිමේ හැකියාව ඇත.
සටහන: 2012 මාර්තු 21 වන දින මෙම පාසැල නිරීක්ෂණයට  ආසියානු සංවර්ධන බැංකු නිළධාරින් සමග  පලාත් අධ්‍යාපන කාර්යයාලයේ නිළධාරින් එක් විය.
වෙනත් අවශ්‍යතා: විදුලි රැහැන් ඇදීමට සහ පරිගණක ජාලකරණය සඳහා උපකරණ අවශ්‍යව ඇත.
සම්බන්ධීකාරක:  බන්දුල පුෂ්පකුමාර 0716-146331

03 වන ව්‍යාපෘතිය: දෙකටන ප්‍රාථමික විද්‍යාලය, දෙකටන (ගම්පහ දිස්ත්‍රික්කය)

පාසැල තුළ එක් පරිගණකයක් දැනට ඇත.
සටහන: පරිගණක 4ක් අවශ්‍යයි
සම්බන්ධීකාරක: බන්දුල රණතුංග 0714-315426

04 වන ව්‍යාපෘතිය: හේරත් හල්මිල්ලැව විද්‍යාලය, කැබිතිගොල්ලෑව

භාවිත කළ පරිගණක කිහිපයක් දැනට ලබා ගැනීමට උත්සාහ කරමින් සිටි. බොහෝ දුරට මෙය සාර්ථක විය හැක.
සටහන:
මූලික පුහුණු වැඩසටහන සඳහා රජරට විශ්ව විද්‍යාලයේ හෝ ඒ අනුරාධපුරය ආශ්‍රීතව ලිනක්ස් දැණුම ඇති මිතුරන්ගේ සහාය අවශ්‍ය වේ.
භාවිත කළ පරිගණක යළි භාවිතයට සුදුසු ලෙස සැකසීම සඳහා අතුල හේරත්, තුසිත කුමාර යන ගුරුවරුන්ගේ තාක්ෂණික ශ්‍රම දායකත්වය හිමි වේ.
භාවිත කළ පරිගණක යළි භාවිතයට සුදුසු ලෙස සැකසීම සඳහා අවශ්‍ය වන දේ සපයා දීමට දායකත්වයක් අවශ්‍ය වේ. (උදා: කැපැසිටර්, IC, …)
සම්බන්ධීකාරක: තාරක තිසේරා,  0718-665002

 පරිත්‍යාග

  1. බුද්ධික සිද්ධිසේන මිතුරා තම භාවිත කළ පරිගණකය නඩත්තු කිරිමෙන් පසුව ලබා දීමට කැමැත්ත පළකර ඇත.
  2. ගයාන් කල්හාර හරහා භාවිත කළ පරිගණක 3ක් ලැබීමට නියමිතයි.
  3. පුද්ගලික ආයතනයකින් නව පරිගණකයක් ලබා දීමට එකඟ වී ඇත. සදීප පල්ලියගුරු මිතුරා සිදු කළ ප්‍රචාරණයකින් එම අවස්ථාව හිමි විය.
  4. LSTP  තාක්ෂණික දැණුම ලබා දීමට මිහිර ප්‍රනාන්දු කැමැත්ත පල කරන ලදි.

ඔබට කළ හැකි දේ…
ඉහත සඳහන් ව්‍යාපෘති 4 දැනට නිම කර ගැනීමට අවශ්‍ය සහාය හැකි ඉක්මනින් ලබා දීමට එක්වන්න.
ඔබටත් මෙම සත් කාර්යයට දායක වීමට අවශ්‍ය නම් අපට දන්වන්න.
තවත් මිතුරකුට මේ ගැන කීම මඟින් මෙම ව්‍යාපෘතියෙන් උදව් අවශ්‍ය පාසැල් මෙන්ම දායකත්වය දීමට කැමති මිතුරන් එක් රැස්කර දීමද මෙම ව්‍යාපෘතියට දායක විය හැකි ක්‍රමයකි. එමෙන්ම බ්ලොග් අඩවි, Facebook, Twitter, Google+ හරහා මෙන්ම ආයතනයේ රැස්වීම් අවස්ථාවන් වලදි මේ ගැන ජනතාව අතරට ගෙනයාමෙන් ඔබට මුදල් වියදම් කිරිමකින් තොරව දායක විය හැක.

Comments

Popular posts from this blog

Chrome profile එක මැකීම

සාමාන්‍යන් අපි භාවිත කරන වෙබ් ගවේශක, එහෙම නැත්නම් බ්‍රවෘසර් වල ප්‍රොයිල් එකක් තියෙනව. කලක් භාවිත කරද්දි සමහර වෙලාවට මේක ක්‍රැශ් වෙන්න පුලුවන්. එක්කෝ අප්ග්‍රේඩ් කරද්දි ඉතා කලාතුරකින් වෙන්න පුලුවන්. අද හිතවත් ගුරුමහතෙක් වන ලක්ෂමන් තිලකරත්න සර් මේ කිහිප දෙනෙක්ට ක්‍රෝම් යාවත් කරාට පස්සේ ක්‍රෝම් නිසි ලෙස වැඩ නොකරන බව සඳහන් කළා. ඉතින් ලෙසිම විදිය පරණ ප්‍රොෆයිල් එක (පැතිකඩ) මකල දාන එක. පහත සඳහන් කරලා තියෙන්නේ අදාල මෙහෙයුම් පද්ධතිය අනුව ක්‍රෝම් ප්‍රොෆයිල් එක තිබෙන තැන. Windows 7, 8.1, and 10: C:\Users\ \AppData\Local\Google\Chrome\User Data\Default Mac OS X El Capitan: Users/ /Library/Application Support/Google/Chrome/Default Linux: /home/ /.config/google-chrome/default උදාහරණයක් ලෙස මේ මගේ (Linux) පරිගණකයේ ක්‍රෝම් ප්‍රෆයල් එක තිබෙන තැන. /home/danishka/.cnfig/google-chrome/Default මේ සඳහා ක්‍රෝම් ඇඩ්රස්බාර් එකෙ chrome://version/ ලෙස ටයිප් කරලා එන්ටර් කරන්න.  එවිට ලැබෙන තොරතුරු අතරේ Profile Path ලෙස Chrome හි profile එක තිබෙන තැන දිස්වේ.  දැන් ඉතින් මේක මකල දාන්න. වින්ඩෝස්

වේදනාත්මක නිහඬ බව

අපි ගොඩක් වෙලාවට නිස්කලන්ක, නිහඬ පරිසරයකට ආදරය කරනව. ඒ අත්දැකීම යළි යළිත් විදගන්න තරම් පෙරේත කමක් දක්වනව. නමුත් සමහර නිහඬ අවස්ථා ඉතාම වේදනාකාරයි. ඊයේ (2020 මාර්තු 14) රාත්‍රියේ  නින්දට ගිය පසු වරින් වර තාත්තව ඇහැරවන්න බැලුවේ, ඔහුට අවශ්‍ය බෙහෙත් සහ මුත්‍ර කිරීමට ඇවැසිදැයි පිරික්සීමටයි. වෙනදා "තාත්තේ චූ කරන්න ඔනද?" ඇසු විට "හා" කියා ප්‍රතිචාර දක්වන ඔහු ඊයේ රාත්‍රිය පුරාවට කිසිදු ප්‍රතිචාරයක් නොදක්වා නින්දේම සිටියා. අලුයම 3ටත් එලෙසමයි. අද උදේ දෙගිඩියාවෙන් මෙන් අවදි කළ පසුත් ඔහුගෙන් සුපුරුදු ලෙස "සුබ උදැසනක්" ප්‍රතිචාරයක් ලැබුනේ නැ. ඔව් දවසම තාත්ත ගොලුයි. ඉදහිට අසන ප්‍රශ්නයකට හිස සලයි. මගේ ජිවිතේටම තාත්ත කතා නොකර සිටි පලමු දවස අද. මේ වේදනාව වචනවලට පෙරලන්න දන්න කෙනෙක් ඉන්නවද මම නම් දන්නේ නැ. තාත්ත ඉස්සරහා එයාගේ ඇස් දිහා බලන් කිසිම දෙයක් නොවු විදියට තොර තෝංචියක් නැතිව කියෙව්වට අදත් මගේ බත් එකෙ කදුලු. අද මේ පිංතුරේ මතක් වුන නිසා අන්තර්ජාලේන් හොයල ගත්තා. මේ පිංතුරේ ඇත්තටම වෙන්නේ දියණියක් (අර්ධ වශයෙන් අංශභාගයට පත්) ඇගේ පියාට ඇවිදීමට සහාය වෙන පිංතූරයක

පරිගණක ආශ්‍රීත ව්‍යාපාර ලියාපදිංචියෙදි පොලිස් රිපෝර්ට් සහ හැක් කිරීමට ලියාපදිංචි වීම

පසුගිය දවසක මගේ මිතුරෙක්ට මෙන්න මේ අත්දැකීම විදගන්න ලැබුනා. 2018 දෙසැම්බර් මස ව්‍යාපාර ලියාපදිංචියක් සඳහා ඉදිරිපත් කළ අයදුම්පතට එච්ච දේ දැනගන්ට ඔහු ප්‍රාදේශීය ලේකම් කාර්යයාලයට ගිය විට අදාල අයදුම්පත යළි අතට ගන්නා සේවකයින් යුහුසුලුව කටයුතු කරන්නට ගන්නව. ඒ අතරෙදි මෙන්න මෙහෙම කතාවක් අවසානෙදි ඇහෙනව.. දැනට මෙරට අපණයන ආදායමින් සැලකිය යුතු මුදලක් ලැබෙන්නේ මෘදුකාංග සහ තොරතුරු තාක්ෂණ සේවා අපනයනය හරහා. මුදලින් ඇමරිකාණු ඩොලර් මිලියන 1000 කට අසාන්න අගයක් 2017 වසරෙදි තිබුනා. අපිට තව දුරටත් ගෘහසේවිකාවන්ගෙන් ලැබෙන විදේශ විනිමයෙන් හෝ සම්ප් ‍ රදායික අපණයන හරහා විදේශ විනිමය ගොඩ නගන්න බැ. ඒ නිසා රජයටත්, රජයේ සේවයේ ඉන්න ඉහළ නිළධාරින්ටත් තොරතුරු තාක්ෂණය හරහා ලබා ගත හැකි විදේශ විනිමය සහ එය වැඩි දියුණු කරගත හැකි ක් ‍ රමවේදයන් ගැන හිතන්න වෙනව. අපි මැණිකක් අපණයනය කරද්දි ලබන විදෙශ විනිමය සහ එක් ගෘහ සේවිකාවක් මෙරටට එවන මුදල සසදලා බලමු. මසකට එක් ගෘහ සේවිකාවක් මෙරටට එනව මුදල ඉතාම සුලු මුදලක් එක් මැණික් ගලක් සමඟ සැසදුවොත්. නමුත් මෙරටින් බැහැරව සේවය කරන ලක්‍ෂ ගණනක් වන ගෘහසේවික