Skip to main content

රිච්මන්ඩ් පොඩ්ඩෝ...




ඊයේ (ඔක්තෝම්බර් 27 වන දින) ගාල්ල රිච්මින්ඩ් විද්‍යාලයේ වැඩසටහනකට සහභාගි පැමිණිමේදි නෙත ගැසුණු මේ පොඩිත්තන් නිසා සුලුවෙන් හෝ සටහනක් කරන්නයි මේ වැයම.



මලීගේ අතින් ලියවුණු ඇගේ කුඩා පංතිවල සිදුවීම් කියවද්දි මෙන්නම මෙම පුංචි මල්ලි දැක්කමත් අපව ළමා කාලයට කැදාවාගෙන යනවා.



අධ්‍යාපන කටයුතු අතපසු කරමින් තමන්ගේ පාසලේ මල්ලිලාට දැණුම බෙදාදෙන්න, වැඩසටහනට උරදුන් අපේ කල්ප මලයාටත් ගොඩක්ම පිං.



වැඩසටහන ඉතින් නිදහස් සහ විවෘත මෘදුකාංග [Free and Open Source Software]හදුන්වාදීම තමයි.



හැබැයි විශේෂත්වයක් තියෙනවා, ලොකු ලොකු අයට අපෝ Linux නම් අමාරුයි කිවට 8වසරේ මල්ලිලා ටික ඊයේ අහපු ප්‍රශ්න වලින් වගේම ක්‍රියාවෙන්ද ඔවුන්ගේ උනන්දුව පේන්න තිබුනා. හොදම දේ තමයි හවස 6.30 වන විට දුරකතනය නාදවෙන්න ගත්ත, බලද්දි ගෙදර ගිය ගමන් පොඩ්ඩෝ Fedora සහ Ubuntu දාන්න පටන් අරගෙන.



ඒ වගේම ගාල්ල සුමන්ගලෝදය පාසැලේ ගුරුතුමා තමා මේකටයුත්තට රිච්මන්ඩ් විද්‍යාලයට සහාය දුන්නේ. කොටින්ම දුරකතන ඇමතුම් මඟින් රුහුණ විශ්ව විද්‍යාලය, ලිනක්ස් මිතුරන් යන සැවොම සම්බන්ධීකරණය කළේ එතුමයි. පාසැලේ පරිගණක විද්‍යාගාරයේ කොටස් ගලවගෙන යන ගුරුවරුන් සිටින යුගයක එතුමන් සියලු ගුරුවරුන්ට ආදර්ශයක්. ඔන්න උපහාර SIM දෙනවනම් දෙන්න ඔනා මේ වගේ අයට. එත් මෙවැනි ගුරුවරුන්ට ඉහලින් සිටින අයට මෙම කටයුතු කෙරෙහි මෙතරම් ඇල්මක් නොති බීම අවාසනාවක්.



නම කියන්න බැරි උනත් අධ්‍යාපන අමාත්‍යාංශයේ රටට වැඩක් කරන කැපවෙන මහතෙකු ඉන්න බව යන්තමින් හෝ කියන්න කැමතියි. ඉතින් මේ මට්ටම් දෙක අතර මැද ස්ථරය [කළාප මට්ටමේ අය] පිස්සු නැටුවොත් මේ එකක් වත් හරියට වෙන එකක් නැ.

වැඩසටහනේ පිංතූර ටිකක්: http://www.flickr.com/photos/danishkanavin/tags/richlug/

Comments

  1. අනාගත පරපුරට වින්ඩෝස්‌ වලින් එහා ලෝකයක්‌ පෙන්නන එකේ මාර වටිනාකමක් තියෙනවා. මෙවැනි වැඩසටහන් දිගින් දිගටම කිරීමට යෝධ බල යෝධ ශක්‌තිය ලැබේවා !!

    ReplyDelete
  2. this is really good machan. Hope I will get some free time as well :)

    ReplyDelete
  3. @ shashika: thanks :)

    @ chamara: ha ha your the next target mate!

    @ තිලින: දැනටමත් වින්ඩෝස් වලින් දුරස්වුණු මල්ලිලා නංගිලා ඉන්නවා :)

    ReplyDelete
  4. මේ ලොක්කා ලිනක්ස් වලට යන්න කලින් ඔයාත් කම්පියුටරේ භාවිතා කරන හැටි ඉගෙන ගත්තේ වින්ඩෝස් වලින් නේද?
    පුළුවන් නම් වින්ඩෝස් භාවිතා කරන ගමන් ලිනක්ස් ටිකක් වැඩියෙන් භාවිතා කරන්න පොඩි එවුන්ට උනත් කියලා දෙනවා.

    කන්න දුන්නු අත හපා කන්න එපා මිනිහෝ...

    ඔය කවුරුත් ලිනක්ස් භාවිතා කරන්න කලින් වින්ඩෝස් තමා භාවිතා කලේ. වින්ඩෝස් වලින් ඉගෙන ගෙන තමයි ඔයත් දැන් ලිනක්ස් භාවිතා කරන්නේ. හැමකෙනාම එහෙම තමා. සත්‍යය සගවන්න බැහැනේ.

    තමන් කරන වැඩේ හරියට කරන්න.
    වින්ඩෝස් වලින් මිනිස්සු අයින් කරන්න කලින් පොඩ්ඩක් බලන්න වින්ඩෝස් වල තියෙන යුසර් ෆෙන්ඩ්ලි ගතිය ලිනක්ස් වල තියෙනවාද කියලා.

    පොඩ්ඩක් අඩුයි නේද....?

    මමත් වින්ඩෝස් එක්ක උබුන්ටු පාව්ච්චි කරනවා එත් වින්ඩෝස් තරම් යූසර් ෆෙන්ඩ්ලි ගතියක් මටනම් උබුන්ටු වල නෑ..

    ඒත් මම නම් මගෙන් අහන ඕනම කෙනෙකුට කියන්නේ මුලින්ම වින්ඩෝස් පාව්ච්චි කරන්න එතකොට ලිනක්ස් පාවිච්චි කරන එක ගොඩාක්ම පහසුයි කියලා....

    (හිතට ආපු දේ කෙලින්ම කිවුවා. වැරැද්දක් උනා නම් සමාවෙන්නග)

    ReplyDelete
  5. @Annonymous,
    මේක කන්න දීපු අතක් නෙවෙයි ඇමක්.

    මයික්‍රොසොෆ්ට් එක දන්නවා දුප්පත් රටවල අයට තම නිෂ්පාදන මිළට ගන්න වත්කමක් නැති බව. ඔවුන් කරන්නෙ දුප්පත් රටවල අයට අනවසර පිටපත් පාවිච්චි කරන්න දීල (නීතිය ක්‍රියාත්මක කරන්නෙ නෑ) කාලයක් තිස්සෙ මිනිසුන්ට මයික්‍රොසොෆ්ට් පුරුදු කරන එක. පස්සෙ මේක පිළිලයක් වගේ පැතිර ගියාම ඔවුන් නීතියෙ පිහිට පතනවා. දැන් මයික්‍රොසොෆ්ට් වලට හුරු වුණ කෙනෙකුට නීත්‍යානුකූල පිටපතක් මුදල් ගෙවල ගන්නව හැර වෙන විකල්පයක් නෑ. හරියටම මේ ගැන විස්තර ඇතුව කියන්න නම් ඉතින් වෙනම බ්ලොග් සටහනක් ඒකට වෙන් කරන්න ඕන.
    Try before you buy. :P

    Annonymous මහත්තයා තව අහනවා පරිගණකය පාවිච්චිය ඉගෙන ගත්තේ වින්ඩෝස් වලින් නේද කියල. ඇත්තටම ඒකෙන් අපි දේවල් ඉගෙන ගත්තෙ හොඳ හරිය හංගලා. Linux වලින් පටන් ගත්තනම් අපි දැන් පොරවල්.

    වින්ඩෝස් වල තියෙන user friendly ගතිය ලිනක්ස් වල නෑ කියනකොට නම් මට පස්ස පැත්තෙනුත් හිනා. ඔයා ලිනක්ස් දැකල නෑ.

    ---

    ඉතිරි ටික මගේ බ්ලොග් එකේ ලියන්නම්.

    ReplyDelete
  6. @ Annonymous,
    අපි කාටවත් වින්ඩෝස් දාන්න එපා කියන්නේ නැ. සල්ලි තියෙන අය ගනිවි. :)

    මෙතන කෙරෙන්නේ දැණුවත් කිරීමක්.
    මේ නිර්ණාමිකව ලියන්නේ හිතේ අමාරුවට සහ වැඩක් දැක්කම ඉවසන්න බැරි නිසා.
    උව මනාවක් තිබේ නම් තමන්ටම තමන් කැමති දෙයක් ගැන වැඩසටහනක් කරන්න පුලුවන්නේ.

    කරන අයට බනින එක තමා මේ වගේ අයගේ කාර්‍යය.

    තවත් දෙයක්, මේ කිසිදු වැඩසටහනකදි ලිනක්ස් විකිණීමක් සිදු වෙන්නේ නැ. දෙන්නේ නොමිලේ.

    තවත් දෙයක්, ඔනම කෙනෙක් මුලින්ම පාසැල් ගෙනියන්න ගත්ත පොත ගත්ත කඩෙන්ම දිගටම පොත් සහ පැන් පැන්සල් ගන්නවද?

    ඒ වගේම හැමොම තාම ලියන්නේ රට හුණු කැල්ලෙන් හෝ ගල් කූරකින්ද?

    කන්න දුන්න අත හපාකැමක් වෙන්නේ, අපි උදව් කළ කෙනෙක්ට එරෙහිව ගියොත්. ඔය කියන සමාගමෙන් අපිට නම් නොමිලේ ඉගැනුවේ නැ.

    අපි ඉගෙන ගත්තේ දෙමාපියන්ගේ සහ ගුරුවරුන්ගේ උදව් නිසා. අනික නිදහස් අධ්‍යාපනය සඳහා වියදම් කළේ රජයෙන්. පාසැලට පරිගණක ගෙනාවේ මෙසමාගමෙන් නොමිලේ දුන් නිසා නොවේ.

    කියන්නම් වාලේ කියනවා මිසක් හිතලා බලලා කියලා නැ. :)

    පරිශීලකයාට පහසු වීම ගැන කතාව විහිලුවක්. අනික කිසිම පදනම් නැ මුලින්ම වින්ඩෝස් වලින් ඉගෙන ගන්න ඔනා කියන කතාවේ.

    ReplyDelete

Post a Comment

Popular posts from this blog

හේරත් ගෙදර ගියා

2008 වසරේ දිනක මධ්‍යම පළාත් තොරතුරු තාක්ශන පුහුණු මධ්‍යස්්ථානයේ පැවති දින 5ක නේවාසික වැඩසටහනක් අධ්‍යාපන අමාත්‍යාංශයෙන් දියත් කළා. මේක කළේ සුෙච්ත ඔව් අර අලුත්ගම සින් එකට තනියම පිකට් කළේ එයා තමයි. මේ වැඩසටහනට විවිධ ගුරු චරිත එක්ව සිටියා. ඒ අය විවිධ වු හැකියාවන් වගේම ගති ගුණ තිබු අය. හේරත් සර් ඔවුන් අතරින් කෙනෙක්. නඩේ ගුරා මෙරට ‘පරිගණකයක් භාවිතයෙන්’ රජයේ පාසලක පරිගණක අධ්‍යාපනය ලබා දේ නම් ඒ සැම පාසලකම වගේ තොරතුරු තාක්ශන ගුරුවරු මෙන්ම අධ්‍යාපන විද්‍යාපිඨ වල පිරිස් ද මේ හේරත් චරිතය අනිවාර්යෙන්ම දන්නව. මොකද පාසල් වල වාර්ශික පරිගණක නඩත්තුව සදහා රට වටා යන ගුරුවරුන් කිහිප දෙනාගෙන් කෙනෙක් මොහු. අැත්තටම මොහු ඒ ගමනේ නඩේ ගුරා කිවත් වැරදි නැ. කොට අදින අලි මේ පිරිස රටවටේ යමින් පැත්තකට විසි කර තිබු පරිගණකවලින් අඩකට වඩා සැම විටම යළි භාවිත කළ හැකි අයුරින් පිළිසකර කර දීමත්, පාසල් වලින් එන ගුරුවරුන් සහ දරුවන් සදහා තම දැණුම බෙදා දිමත් නොපැකිලව සිදු කරනව. නමුත් මේ මුදල් ඉතිරිය ඔබ මෙතෙක් නොදැන සිටියා විය හැක. බටා ගෙනව නේද? ඇත්තටම ගාල්ල අවට පුදගලික මට්ටමින් අප සංවිධානය කළ වැඩසටහන් ගණනාවකට නුවර සිට තම යතුරු …

අයියයි නංගියි

මධ්‍යම පලාතේ අපි දන්න රෝහලක ඇති ඉදිකිරීම් වැඩබිමක සේවය කරන නිමල්ගෙ මව මැතකදි මිය ගිය පසුව ඔවුන්ගෙ පියාගේ කුබුරු වැඩ අතරමග නවතින්නෙ උදව්වට තවත් කෙනෙක් නැති නිසා.  නිමල්ගෙ නංගි නදීශා 8වසරෙ ඉගෙනුම ලබන්නෙ නුවරට ආසන්න මධ්‍යමහා විද්‍යාලයක. ඇය ඉගෙනීමට දක්ෂයි.  සාමාන්‍යන්  කුඹුරට අයියල නංගිල ගියාට වැඩබිමකට අයියල නංගිලා යන්නෙම නැති තරම්. නමුත් නිමල් ඔහු දැනට වැඩ කරන වැඩබිමට තම නංගිවවරක් එක්කරගෙන යනව. ඒ අත් උදව් දෙන්න නම් නෙමෙ.
නිමල් එහෙම කරන්නෙ වැඩ බිමේ කටයුතු සිදුවන අයුරු පෙන්වීමට සහ එහි සේවය කරන ඉංජිනේරු මැඩම්ව පෙන්වන්න.  තම නංගිත් කෙදිනක හෝ ඉංජිනෙරු වරියක් වනු දැකීමට ඇති ආසාව නිසා ඇය දිරිමත් කිරීමටයි නිමල් මෙහෙම කරන්නෙ.
ඇත්තටම නිමල්ලා තව ගොඩක් සමාජයේ ඉන්නව, ඒ අයගෙන් අපි ඉගෙන ගත යුත්තේ මෙයයි.  ඔබට බාල සහෝදර සහෝදරියෝ නැතත් ඔබටත් පුලුවන් නිමල් කෙනෙක් වෙන්න. කෙනෙක්ට අත දෙන්න තවමත් ඔබ පමා නැ.

මෙය සත්‍ය සිදුවීමක් වන අතරම අද උදැසන සිංහල අවුරුද්දට සුබ පතන්නට අකුර හරහා ශිෂ්‍යත්වයක් ලබන දියනිකට සහ ඇගෙ පියාට දුරකතන ඇමතුමක් දුන් විට මට අහන්න ලැබුනු තොරතුරකි.

සුබ අලුත් අවුරුද්දක් වේවා!

සැ:යු: නම් මනක්කල්ප…

බිංගන්තලාව සාගලපුර වෑයම - පළමු අදියර

මීට පෙර මා සඳහන් කළ පරිදි නුවර එළිය දිස්ත්‍රික්කයෙ දුෂ්කර පාසලක් වන බිංගන්තලාව සාගලපුර පාසලට පරිගණක ලබා දිමේ වැයමේ මූලික අදියර සාර්තක කරගැනීමට 2014 ජනවාරි 6දින හැකි විය.



ඉතා චාම්ව සරලව දෙමාපියන්ද සහබාගි වූ රැස්විමකදි මෙම වැඩසටහන නිළ වශයෙන් ක්‍රියාත්මක විය.






මම මේ ඊළඟට කියනවචන ටික හොදින් කියවන්න. මේක ජාති බේදයක් ඇති කරන්න කියන දෙයක් නෙමෙ

"සාගලපුර පාසල දෙමළ වතු වලින් වටවුන පාසලක්. ඒ පාසලේ සිට සිංහල බසින් ඉගේනීම කරන්න මේ දරුවන්ට යන්න තිබෙන අනෙක් පාසල තිබේනනෙ කිලෝ මිටර් 30කටත් දුරින්. හිතන්න අපි ඉන්න පැති වල කිලෝ මිටර් 30ක් තුළ පාසල් කොපමණ තිබෙන වාද කියල.
වටේ තියෙන දමිළ මාධ්‍ය පාසල් හරහා සිංහල ප්‍රධාන භාශාක් ලෙස මේ දරුවන්ට ඉගෙන ගන්න අවස්තාවක් තිබුනනම් මීට වඩා පහසුකම් ඔවුන්ට ලැබීමට අවස්ථාව තිබෙන්න පුලුවන්."




ඉතින් ඉහත කාරණාව වගේම පාසලේ ඉන්නෙ ඉතා සීමිත ගුරු පිරිසක්, ඒවගේම ඔවුන් කිසිම කෙනෙක් ගමේ අය නෙමෙ, ඉතා දුර බැහැර සිට එන්නෙ. ගොඩක් අය තමන්ගෙ සීමාවාසික කාලයෙන් පසු පාසලේ රැදෙවි කියල හිතන්න අමාරුයි.

ඉතින් මේ වගේ ගුරුවරු සීමිත පාසලකට ළමුන්ට ස්වන් අධ්‍යාපනයක යෙදීමට හන්තාන ලිනක්ස් …