Skip to main content

අසාර්ථක මෙහෙයුම....

ඔන්න අද උදේ 5.45ට විතර විදුරුවක් කුඩුවෙනවා ඇහුනා.

ඒ එක්කම අපෙ ගෙට්ටුවත් ඇරුනා.

මම ඊයේ රැ 2.30ට විතර නිදාගත් නිසා නින්දෙන් අවදිවුවත් ගෙට්ටුවේ සද්දේ නම් හිතුවේ උදැසන සහෝදරයා වැඩට යන්න ඇති කියලා.

මම එහෙම හිතතද්දි අම්මලා ලයිට් එක දාලා සද්දේ ආවෙ කොහෙන්නද බලන්න.
ඊට විනාඩියකින් තමා ගෙට්ටුව ඇරුනේ.

ගෙදර අනිත් අය හිතුවේ මාමා ආවා කියලා.

ඇත්තටම වෙලා තිබ්බේ හොරෙක් ඇවිත් පිටුපස ජනේලය බිද ඇතුලට ඒමට සැරසීමයි.
එත් ලයිට් දාපු නිසා කිසි කලබලයක් නැතිව ගෙට්ටුවත් ඇරගෙනම ගියා. :D

මොනවා උනත් සහෝදරයා කලින් ගියෙ නැත්නම් අම්මා ඔය වෙලාට ඔතන ඉන්නවා උයන්න. එහෙම උනා නම් විසී වුනා වීදුරු වලින් තුවාල වෙන්නත් තිබ්බා.

මොනවා උනත් ලයිට් නොදැම්ම නම් ඒ මනුස්සයාගේ දත්ටික අපරාදේ. මොකද ජනේලයට සවිකර තිබෙන යකඩ රාමුව ගලවන්න හො කපන්න සුදුසු දෙයක් ගෙනෙල්ලා නැ.
කටින් හපන්න වෙන්න ඇති හදන්න ඇත්තේ. පව් :(

එක අතකට එයත් හරි. හොරකමේ එන්නේ තියෙන දෙවල් ගෙනියන්නනේ. බඩු අඩුවෙන් එන්න ඔනා නිසා හිස් අතින්ම එන්න ඇති.

විදුරුව බිදින්නත් අරන් තිබුනේ අපේ ගෙදරම එලියේ තිබ්බ විදුරු බෝතලයක්. අගුල තියෙන හරිය අනුමාන කරද කොහෙද බිදලා තියෙන්නේ.





















මේ පිංතූර දෙක දැක්ක යාලුවෙක් ඇහුවා කෝ හොරාගේ පොටෝ නැද්ද කියලා. ඉතින් ඊළඟ පාර හොරාගෙන් අහලා එකක් ගන්න වෙනවා. ;-)

තවම පොලීසි නම් ගියේ නැ. මොකද එයාලා අහන්නේ හොරා අදුනනවද කියලනේ.
හොරා අදුනන්න කලින් දකින්න එපැයි.


මට නම් හිතෙන්නේ මේ ඇවිත් තියෙන්නේ හොරකම් පාසැලක ඉන්න Intern කෙනෙක්. මොකද දන්නවද? අපේ ආච්චිගේ නංගිගේ ගෙදරට හොරු ආවේ ඒගෙදර බල්ලෝ 4ක් ඉන්න ගමන්. ;-)

ඒවගේහොද හැකියාවන් තියෙන අය ඉන්න කාලෙක මෙහෙම වෙයිද?

ආ... මෙන්න තව ආරංචියක් "තව ගෙවල් 2ක් බිදලා අද උදේ 6ට කලින්"

හික් මට හිතෙන්නේ අද හොද නැකතක් තියෙන්න ඇති මේ අයට.
එක්කෝ හොරුන්ට අකුරු කියවිමේ නැකතක් වත්....

කණගාටුදායක සිද්දියක් වන්නේ සොරුන් පැන්න එක ගෙදරක් මීට එහා තියෙන ධීවරයන්ට අලුතින් දුන් නිවසක්. මුහුදු යන කෙනෙක්ට මෙහෙම දෙයක් කරන එක නම් පව්..

හැබැයි ඒ අයගේ හරි ගෙවල් තිබෙන වෙරල පැත්තෙදි මෙහෙම උනා නම් හොරාව ඇමට ගහවි. :D

ඇත්තටම මේ අයගේ අතපය හොදට තියෙන නිසා වෙන රස්සාවක් කරගන්න බැරිද දන්නැ.

Comments

  1. ඇති ඔයින් ගියා. හොරා එච්චර professional නෑ වගේ :D

    ඒ අතර

    "ඔන්න අද උදේ 5.45ට විතර විදුරුවක් කුඩුවෙනවා ඇහුනා.
    ඒ එක්කම අපෙ ගෙට්ටුවත් ඇරුනා.

    මම ඊයේ රැ 2.30ට විතර නිදාගත් නිසා නින්දෙන් අවදිවුවත් හිතුවේ උදැසන සහෝදරයා වැඩට ගියා කියලා."


    මේක කියවනකොට හිතෙන්නෙ ඩනිෂ්කගෙ සහෝදරයා හැමදාම වීදුරු කුඩු කරගෙන වැඩට යනව කියලයි. බිපෙසි!

    ReplyDelete
  2. @Anandawardhana,

    නැ, නින්දෙන් නිසා මම හිතුවේ කලබලේට ලැස්ති වෙද්දි මොනවා හරි බිදුනා කියලා.

    බිදුනේ විදුරුවක් බව තෙරුනේ නැ.

    ReplyDelete
  3. හොරුන්ටත් ආර්ථික ප්‍රශ්න වැඩි වෙලා ඇති, කොහොම හරි වෙලාවට වීදුරු බිදුනු හඩ ඇසුනෙ. නැත්නම් සොරි ම තමා,

    ඩැනී වටිනා කියන බඩු ගෙදර තියන්න එපා, එතකොට හොරු එන්නෙ නෑ.
    හික්.. :D

    ReplyDelete
  4. @har

    මට වටින දේ පිළිවෙලින්
    01. දෙමාපියන් සහ සහෝදරයා
    02. පරිගණකය සමඟ දත්ත

    එච්චරයි :)

    ReplyDelete
  5. සඳුදා(23)අපෙ ගෙදරට හොරෙක් ඇවිල්ලා ගිහින් :-)අපි දන්නෙත් නෑ. ඇරන් ගිහින් තියෙන්නේ එළියෙ තිබුණු සාදික්කා ටිකකුයි, අයින් කරල තිබ්බ පිත්තල ටැප් ටිකකුයි. ආරංචි වල හැටියට ඉන්නවා සාදික්කා,යකඩ බඩු වගේ සිල්ලර ඒවා හොරකම් කරන එකෙක්. (හිරේත් හිටපු කෙනෙක්ලු)

    ReplyDelete
  6. ආපු වෙලාවනං මොලේතියන හොරෙක් එලියට බහින වෙලවක් නෙමෙයි. ඇයි යකෝ එළිය වැටෙන වෙලාවට මොන ‍යකාද ගෙවල්වලට පනින්නෙ. පොර intern කෙනෙක් වගේ.

    මුකුත් නොදන්න හොර පූස වගේ ගේට්ටුවත් ඇරන් ගිහින් තියෙන විදිහනං සෑහෙන professional හොරෙක් වගේ.

    කොහොම උනත් ඩැනිය පස්ස පැත්තට ඉර පායනකං බුදිලු... හොරා ඇවිත් ගෙදරම උස්සං ගියත් ඌ දන්නෑ ලු... :P

    ReplyDelete
  7. එකා නම් මහ මෝඩ හොරෙක් නේ.. වීදුරු බිදලා පාන්දර ගෙවල් වලට ඇතුල් වෙන සිරිතක් තියනව‍යෑ.

    ReplyDelete
  8. ඔය ආවා මදැයි, හොඳද පොඩ්ඩක් Geek වැඩ දාලා වැඩක් කලා නම්? ;)

    ReplyDelete
  9. ගේට්ටුවෙ ඉබ්බ දාල තිබ්බනං ඌට යන්න අමාරු වෙනව. අපරාදෙ!

    ReplyDelete
  10. අනේ නැ මම මල් ඉස්කුරුප්පු නියනක් ගෙනාවා කරුමෙට එ ඇන ගලවන්න පුලුවන් පැලැට් නියනකින් කරුනාකර බොරුකියා හොරුන්න අපහාස නොකරන්න --මිට හොරා

    ReplyDelete
  11. ඕකනෙ කියන්නෙ ඉගෙන ගන්නවනම් හරියට ඉගෙන ගන්න කියල, ඒ හොරා ගේට්ටුව ඇරීම වගේ දේවල් ඉගෙන ගත්තට, ආයුද තෝරාගැනීමේ පාඩම ඉගෙන ගෙන නෑ

    හැබැයි උන්ගෙ අධ්‍යාපන ප්‍රතිසංස්කරණයක් නිසාද දන්නෙ නෑ, අපිට උනා වගේ,(2008 සාපෙ) ඉස්සරහ පාඩම පස්සට දාල මැද පාඩම ඉස්සරහට දාල, පිටිපස්සෙ පාඩම දෙකට කඩල තැන තුන හතරක දාල වෙන්න ඇති. කවුද මේවට වග කියන්නෙ ?

    හොරාත් බ්ලොග් කියනවනව නම්. දැන් තමන්ට වැරදුනේ කොතනද කියල වටහගෙන. ආයෙත් උත්සහ කරන්න. මම ඔබට (හොරාට ) සුභ පතනව.Try and try One Day You Can Die...

    ReplyDelete
  12. ජනේලය ඇතුලතින් යකඩ ග්‍රිල් සවි කරල තියෙන එක නම් බොහොම හොඳ දෙයක්. ඇති ඔයින් ගියා

    ReplyDelete
  13. @malee_msg
    එහෙනං කොහොමද හොඳ සිරිතට හොරෙන් ගෙවල් වලට ඇතුල් වෙන්නෙ? බෙල් එක ගහලා ඊට පස්සෙ දොර අරින එකාටත් ගහල ද? :D

    ReplyDelete
  14. ආ දැන් නම් මෙතන හොරෙකුට අවශ්‍ය tips ගොඩක් තියෙනව :D
    හොරා බ්ලොග් කියෙව්ව නං හැදෙන්න තිබුන.

    අර මල්ගුඩි දවස් එකේ ළමය වගේ අපේ එතුමා ඒ වෙලාවෙ හිටියෙ ඇඳ යට කියලත් පුවතක් ඔන්න දැන් ආරංචි වෙනව.

    ReplyDelete
  15. අපරාදෙ‍, ජනේලෙ ඇරලම තිබ්බ නම් වීදුරු කුඩු කරන එකක් නෑ‍. :D

    ReplyDelete
  16. කෝ කෝ IP එක trace ක‍ලේ නැද්ද?. :D

    "ජනේලයට සවිකර තිබෙන යකඩ රාමුව ගලවන්න හො කපන්න සුදුසු දෙයක් ගෙනෙල්ලා නැ."
    කොහොමද ‍ඔයා දන්නේ ගෙනාවේ නෑ කියල. බිපෙසි

    ReplyDelete
  17. @ශ්‍රීශානු - අපොයි හිතුවද හොරු එන්නේ නෑයෝ බලන්න කියලා..එහෙම නෙවෙයි එයාට තිබ්බ සද්ද නැති වෙන්න ජනේලේ බිදින්න අඩුම ගානේ සද්දේ අඩුවෙන් ඇහෙන්නවත්.. නැත්තම් වහල ‍දිගේ එන්න තිබ්බා..

    ReplyDelete
  18. ශ්‍රිශානු, ඉතිං හොරා පාන්දර එන එකේ පුදුමයක්යැ? අපේ උතුමා නිශාචාර වුණාම? බලන්න නිදාගෙන තියෙන්නේ කියටද කියලා, මම හිතන්නේ මෙහෙමයි:

    හොරා මුලින් උතුමාගේ නිවසට ඇතුල් විමට පැමිණි ඇත. උතුමාගේ (අයිස්)හිවලාගේ ඇටකටු හෝ යමක් හෝ ගෙනි යන්නට විය හැකිය. අවාසනාවක මහත! උතුමාගේ කාමරේ එළියක් දකින්නට ඇත (ඔන්න මම නම් දන්නේ නෑ එච්චර රෑ මොකද්ද කලේ කියලා, උතුමා අපිට කිව්වා නම්?.) ඔහු හොස්ස ගසා අසරණ අසල්වැසියන්ගේද නිවස් වලට වැදී ධීවරයෙකුගේ නිවසකින් අමු මාළු කැබැල්ලක් අනුභව කර නැවත එළි වැටෙන යාමේ උතුමාගේ නිවසට තරහට ගල් පහරක් ගසා ඇත. පසු දිනෙක ඔහු නැවත් උතුම්මගේ ඔලුව අත ගසා බදු හා දැවැද්ද ගෙනියන්නට එනු ඇත.

    හොරාට: මේ තව උතුමො සිටිනවා බං පොඩ්ඩක් එයාලගේ දුක සැප බලුවා නම් මෙහේ තියෙන පාඩමුත් එක්ක? ඔන්න එද්දි නව විශය නිර්දේශය වෙනුවට පරණ එක ඉගෙන ගන්න.

    ReplyDelete
  19. ඩැනියෝ.... එන පොට හොඳ නෑ... ඊළඟ පාර හොරෙක් මලී තමයි පළවෙනි සැකේ...

    @malee_msg: බොලේ හැබෑවට... කතාව ඇත්ත තමයි... (පාට් ටයම් 'හොර පංති' කරනවද? නරක නෑ කාලෙ හැටියට.)

    @බින්කුවො: උතුමා හින්දා හොරුයි මලියි ජීවත්වෙලා හමාරයි වගේ... :D

    ReplyDelete
  20. ශ්‍රිශානු, හොරාට මොකො වෙන්නද? මෙකේන් පාඩම් ඉගෙන ගත්තා නොවැ. එකට මලීගේ පන්ති ඔනේ නෑ නොවැ!

    ReplyDelete
  21. මලී අක්කා වෙන්නත් බැරි නෑ, බලන්නකො සළුවෙන් මුහුණ ආවරණ ඇත. අබිනොමල් සිතක් දරන්නෙකි. තව කතා මොකද? ආයිත් වුනොත් ඔන්න ඇය තමා!

    ReplyDelete
  22. ඔන්න අද අම්මා උයන්න නැගිට්ට නිසා මම මුරසංචාරයක් දැම්මා. නරකම නැ. හොරා A/L කරද්දි ආවනම් කියලා හිතෙනවා. :D ඒ කාලේ මේ වෙලාවට නැගිටින්නම බැනේ.

    @චරිත
    "සඳුදා(23)අපෙ ගෙදරට හොරෙක් ඇවිල්ලා ගිහින්"
    හොඳ වෙලාවට ආයෙ ගිහින්. වැරදිලාවත් නැවතුනා නම්. :)
    පරිසම් වෙන්න

    @මලී

    ආපු කෙනා මෝඩද කියලා කියන්නත් බැ. මොකද තාප්පෙන් ආවාට ගියේ ගෙට්ටුවෙන්. කලබල උනේ නැ. ආරංචි විදියට පාරේ උදේට දුවන කෙනෙක් විදියට ඇවිත් තියෙන්නේ.

    @හර්ෂදේව
    ඒකනම් ඇත්ත.
    උදේ සහෝදරයා 5ට ගිය වෙලාවේ ඉදලා ඉබ්බා නැතුව නිකන් වහලා තිබ්බේ.
    වෙලාව තමා..

    @ශානු

    හොරාට ඝණ දෙවි ණුවන තියෙනවා කියනවා නේද?

    @ගයාන්
    "මම ඔබට (හොරාට ) සුභ පතනව."
    අනේ එහෙනම් ආයෙ මේ බ්ලොග් එකට එන්න එපා :D

    @ගයන්ත
    හපොයි, එහෙම උනා නම් මෙකා තව මොනවා හරි කරයි

    @පහන්
    "කෝ කෝ IP එක trace ක‍ලේ නැද්ද?."

    හොරාගේ මොන අවයවයටද IP එකක් දීලා තියෙන්නේ. මාරයිනෙ ඔයත් දන්න දේවල්. ඔයාටත් එහෙම එකක් දීලද තියෙන්නේ? :D

    ඔයා බිම පෙරලෙන්නේ ඔයාද ආවෙ :)

    යකඩ රාමුව ගලවන්න හො කපන්න සුදුසු දෙයක් ගෙනෙල්ලා නැ කිවේ, වීදුරුව බිදලා තියෙන්නේත් එලියේ තිබ්බ බෝතලයකින් ගහලා.

    @ශානු

    මට සැක පහන් හික් එයානේ දන්නේ යකඩ රාමුව කපන්න බඩු ගෙනාපු බව.

    @බින්කු

    මෙපාර දැම්මේ වීදුරුවක්
    මලී කියන විදියට හොරාව ඉස්පිරිතාලෙම ගෙනියන්න වෙනව වගේ.. :)

    "නැත්තම් වහල ‍දිගේ එන්න තිබ්බා.."

    ReplyDelete
  23. @ ඩනිෂ්ක
    ඒ ඇවිල්ලා Professional හොරෙක් නෙවී. කුඩ්ඩෙක්.

    ReplyDelete
  24. @ ඩනිෂ්ක
    IP එක trace කලාද ඇහුවේ ඌ ගැන මොකක් හරි තොරතුරක් ලැබුනද කියල.

    මම කිව්වේ නෑනේ රාමුව කපන්න බඩු ගෙනා‍වා කියල. මම ඇහුවෙ ගෙනාවේ නෑ කියල ඔයා දන්නේ කොහොමද කියලනේ.
    මෙයා‍ මේ ගෙදර බිඳිච්ච වීදුරුවක් ගැන බොරුවක් ගොතාගෙන කෑගහනවද කොහෙද. නිකම්වත් පොලීසියට කියලත් නෑනේ.

    ReplyDelete
  25. @පහන්

    "මම ඇහුවෙ ගෙනාවේ නෑ කියල ඔයා දන්නේ කොහොමද කියලනේ. "

    එමනුස්සයා දුවලා තියෙන්නේ හිස්අතින්, බැග් එකක් වත් වෙන ආයුධයක් වත් තිබිලා නැ.

    ඔව් තොරතුරුටිකක් ලැබුනා. අපේ ගෙදරට තමයි අන්තිමට ඇවුත් තියෙන්නේ.
    මෙවා ඉතින් මෙතන ලියලා වැඩක් නැ.
    පොලීසියට කියලා තියෙන්නේ. එත් වැඩක් වෙන එකක් නැ.

    උදේ 5ට තමා මිශන් එක පටන් අරන් තියෙන්නේ. එක ගෙදරකට ඇවිත් තියෙන්නේ මලී කියපු විදියට වහලින්. එගෙදර නම් ජංගම දුරකතනයක් විතරයි අරන් තියෙන්නේ. ඒවගේ පොඩි දේ කට එච්චර දුකක් විදින්නේ ඇයිද දන්නැ :)

    තව ගෙදර 24,000ක් සහිත අත්බැගය. මාසේ පඩිය ගෙනාපු ගමන් එහෙම්ම හොරාට... පව් :(

    ඔක්කොම ගෙවල් 4කට ඇවිත් ..

    ReplyDelete
  26. හැබැයි මොනව වුනත් ඩනිෂ්ක ඇඳ යට නිදාගන්න තීරනය කරපු එකේ වරදක් මම නං දකින්නෙ නෑ. හිතේ බයක් නැතුව නිදාගන්න තියෙන්න ඕන නේ මොනව වුනත්. මේ ගැන කවුරු හරි මඩ ගහන්න ආවොත් අපි ඉන්නව ඩනිෂ්කගෙ ආරක්ෂාවට!!!!

    ReplyDelete
  27. අනේ මන්ද. ඔච්චර එක එක ඒව කියනව කියල දන්නව නං මං පැත්ත පළාතක එන්නෙ නෑ ඕං. මම නං තරහම තරහයි

    ReplyDelete
  28. @හොරා

    ස්තුතියි!

    ReplyDelete

Post a Comment

Popular posts from this blog

හේරත් ගෙදර ගියා

2008 වසරේ දිනක මධ්‍යම පළාත් තොරතුරු තාක්ශන පුහුණු මධ්‍යස්්ථානයේ පැවති දින 5ක නේවාසික වැඩසටහනක් අධ්‍යාපන අමාත්‍යාංශයෙන් දියත් කළා. මේක කළේ සුෙච්ත ඔව් අර අලුත්ගම සින් එකට තනියම පිකට් කළේ එයා තමයි. මේ වැඩසටහනට විවිධ ගුරු චරිත එක්ව සිටියා. ඒ අය විවිධ වු හැකියාවන් වගේම ගති ගුණ තිබු අය. හේරත් සර් ඔවුන් අතරින් කෙනෙක්. නඩේ ගුරා මෙරට ‘පරිගණකයක් භාවිතයෙන්’ රජයේ පාසලක පරිගණක අධ්‍යාපනය ලබා දේ නම් ඒ සැම පාසලකම වගේ තොරතුරු තාක්ශන ගුරුවරු මෙන්ම අධ්‍යාපන විද්‍යාපිඨ වල පිරිස් ද මේ හේරත් චරිතය අනිවාර්යෙන්ම දන්නව. මොකද පාසල් වල වාර්ශික පරිගණක නඩත්තුව සදහා රට වටා යන ගුරුවරුන් කිහිප දෙනාගෙන් කෙනෙක් මොහු. අැත්තටම මොහු ඒ ගමනේ නඩේ ගුරා කිවත් වැරදි නැ. කොට අදින අලි මේ පිරිස රටවටේ යමින් පැත්තකට විසි කර තිබු පරිගණකවලින් අඩකට වඩා සැම විටම යළි භාවිත කළ හැකි අයුරින් පිළිසකර කර දීමත්, පාසල් වලින් එන ගුරුවරුන් සහ දරුවන් සදහා තම දැණුම බෙදා දිමත් නොපැකිලව සිදු කරනව. නමුත් මේ මුදල් ඉතිරිය ඔබ මෙතෙක් නොදැන සිටියා විය හැක. බටා ගෙනව නේද? ඇත්තටම ගාල්ල අවට පුදගලික මට්ටමින් අප සංවිධානය කළ වැඩසටහන් ගණනාවකට නුවර සිට තම යතුරු …

ජාතිවාදය සහ අන්තර්ජාල නිදහස

තිස් වසරක යුද්ධයෙන බැටකැ රටක් ලෙස අමිහිරි අත් දැකීම් සහ කදුලු පිරිණු රටක් යළිත් ලේ විලක් බවට පරිවර්තනය වීම කිසී සේත්ම නොවිය යුත්තක්!

තම දේශපාලන, ව්‍යාපාරික සහ උද්ගලික අවශ්‍යතා සඳහා කෝටත් තෛලය ලෙස ජාතිවාදය ඈවිස්සීම අපේ රටේ සමහරක්ට සුලු දෙයක්.

අපි මොකක්ද බලා පොරොත්තු වෙන්නේ? සිංහල දෙමාපියන් යටතේ අපි ඉපදුන නිසා අපි අනෙක් ජාතීන්ට වෛර කරනවද?

මීට සති කිහිපයකට උඩ දී මේ දුපතේ ජනප්‍රිය පුවතක් වූයේ සිංගප්පුරු රජය තම අයවැයෙන් පසුව 2018 වසර සඳහා සිංගප්පුරූ ඩොලර් 300ක් බැගින් තම රට වැසියන්ට "Hongbao" නම් වූ බෝනස් එකක් ලෙස බෙදා දීමයි.

මෙහි දි සත්‍යලෙසම සිදු වූයේ වාර්ශික ආදායම සි.ඩොලර් 28,000ට අඩු නම් සි.ඩොලර් 300ද, වාර්ශික ආදායම සි.ඩොලර් 28,001 ත් - 100,000ත් අතර නම් සි.ඩොලර් 200  වාර්ශික ආදායම සි.ඩොලර් 100,000ට වැඩි නම් සි.ඩොලර් 100ක්ද ලෙසයි.
අපේ අය මේයට හේතුව ලෙස දැක්කේ සිංගප්පුරු රජයේ සියලුම අමාත්‍ය වරුන් උපාධි ධාරින් වීමයි.

එතකොට රටේ වෙන කිසිදු වෙනසක් නැද්ද?

සරලව පවසනවා නම් දෙවන ලෝක යුද්ධයේදි (1942-1945) ජපාන අධිරාජ්‍යා යටතට පත්වන සිංගප්පුරුව යුද්ධය අවසන් වෙත්ම බ්‍රිතාන්‍ය පාලනයටත්…

කණ්ඩියපිටවැව නාලන්දාවට වල් අලින්ගෙන් තෑග්ගක්

පසුගිය කාලයේ රටවටේ විවිධ වැඩසටහන් සඳහා එක් වුවත් ඊයේ පෙරෙදා උන සිදු වීම නම් ලියන්නම ඔන කියල හිතුනා.

කණ්ඩියපිටවැව, නාලන්දා පාසලට පසුගිය ජූලි 19 දින ගියේ මීට පෙර කිසි දිනෙක නොදුට පිරිසක් සමඟ..


උදේ පාන්දර 3.30ට පමණ ගෙදරින් පිටත්වෙලා, වල් අලි කරදර වලින් දුක්විදින ජනතාවගෙ ජීවන තත්ත්වය උසස් කිරීමට සහාය වන Born Free Foundation ආයතනයේ මිතුරන් සමඟ   කොළඹදි එක් විමෙන් අනතුරුව බලංගොඩ තණමල්විම මාර්ගයේ ගමන් කරන කොට හම්බවෙන හම්බේගමුව ප්‍රාදේශීය ලේකම් කාර්යයාලයට අයත් ප්‍රදේශයට අපි ලගා උනේ දවල් 1ත් පහුවෙද්දි. අපි යද්දි පාසල් වාර විභාගය ලියමින් සිටි ලමයි ගෙදර යන්න කලින් වදිනව.. එවගේම පොඩි පැංචො ටිකක් නම් ඒ වෙද්දිත් අපි එන අතරමග...



පාසලට ඇතුල් වන විටම ලැබුණු සිනා සංග්‍රහය


මේ වෙද්දි පරිගණක විද්‍යාගාරය (මෙය මුලින් ගොඩනගල තියෙන්නෙ පුස්තකාලයකට) විදුලිය ලබා දි තිබුනෙ නැ, එවගේම අවශ්‍ය අභ්‍යන්තර රැහැන් ඇදීමක්ද තිබුනෙ නැ.  පෙරෙදා පාසලෙ තිබුණු උත්සවේකදි කියවුනෙ ඒ ගොඩනැගිල්ලට ආණ්ඩුවෙන් 50,000ක මුදලක් ලැබුනත් ඉස්කොලෙ ලොකු සර්, ගුරුවරු, පාසල් ලමුන් සහ ගම්මු එකතු වෙලා තවත් බාහිර පිරිස් සමඟ මේ වැඩේ අහවර කරගෙන. …