Skip to main content

Firefox 4 නිකුත්විය!

ලොව පුරා මිලියන 400කට අධික පරිශීලකයන් පිරිසකට වේගවත්, සුමුදු හා රුචි
ගවේෂක අත්දැකීමක් ලබාදීම සඳහා Mozilla විසින් Firefox 4 නිකුත් කරයි.

ජාලය වඩාත් පහසු ස්ථානයක් කිරීම අරමුණු කරගත් ලාභ නොලබන ආයතනයක් වන
Mozilla, ජනප්‍රිය, නිදහස් හා විවෘත මෘදුකාංගයක් වන Mozilla Firefox 4
සාඩම්බරයෙන් ඉදිරිපත් කරයි. Firefox විසින් අනාකූල පරිශිලක මුහුණතකින්,
නව විනෝද විශේෂාංග මගින්, වැඩි වේගයකින් හා නවීන ජාල තාක්‍ෂණයන්ට සහාය
දැක්වීමෙන් පරිශීලකයන්ට තම ජාල අත්දැකීමේ පාලනය නතු කරවයි.

Firefox 4 භාෂා 75 කට අදික ප්‍රමාණයකින් Windows, Linux සහ  Mac OS X
සඳහා ලබා ගැනීමට හැකියාව ඇත. Android සහ Maemo උපාංග මතද භාවිතා කළ හැකි
ලෙස Firefox 4 නිකුත් වනු ඇත.


Firefox 4 යනු දැනට ඇති වේගවත්ම Firefox සංස්කරණයයි. චමත්කාරජනක වේගයකින්
හා ක්‍රියාකාරීත්ව වැඩිදියුණු කිරීම් තුලින් Firefox එහි පෙර සංස්කරණ
මෙන් දෙගුණයක් හෝ හය ගුණක් වේගවත් වේ. JavaScript එළවුමට සිදුකල ප්‍රධාන
වෙනස්කම් තුළින් ආරම්භක කාලයේ හා පිටු පූරණ වේගයේ සිට චිත්‍රණ දක්වා
ක්‍රියාකාරීත්වය Firefox මත විශ්මයජනක ලෙස වේගවත්ය.


නවතම Firefox සංස්කරණය සුමුදු නව පෙනුමක් හඳුන්වා දෙමින් ජාල
අන්තර්ගතයන්ට මධ්‍ය වේදිකාව ලබාදෙයි. යෙදුම් ටැබ හා පැනෝරාමා වැනි
විශේෂාංග තුලින් Firefox ජාලය ගවේෂණය වඩාත් පහසු හා කාර්යක්‍ෂම කරවයි.
Firefox විසින් Do Not Track හා අන්තර්ගත ආරක්‍ෂක ප්‍රතිපත්ති වැනි
ක්‍ෂේත්‍රයේ ප්‍රමුඛ පුද්ගලිකත්ව හා ආරක්‍ෂක පහසුකම් මගින් පරිශීලකයන් හට
ඔවුන්ගේ පුද්ගලික දත්ත වල ආරක්‍ෂාව පිළිබඳ පාලනය ලබාදී ඔවුන් මාර්ගගතව
ආරක්‍ෂා කරයි.

Firefox Sync පරිශීලකයාට පරිගණක සහ ජංගම දුරකතන ඔස්සේ "Awesome Bar"
අතීතය, පිටු සලකුණු, විවෘත කළ ටැබ් සහ මුරපද සඳහා ප්‍රවේශය ලබා දේ.
එම්න්ම Firefox දහස් ගණනක් වූ ඇඩෝන, දිගුවන් සහ පර්සොනා මෙන්ම
පරිශීලකයන්ට ඉතා පහසුවෙන්තම අන්තර්ජාල භාවිතයට අවශ්‍ය ඇඩෝන සොයාගැනීමටත්
රිසි සේ සැකසීමටත්  නව Firefox ඇඩෝන කළමණාකරු එක්කර ඇත.

ෆයර්ෆොක්ස් නව නිකුතුව HTML5 ඇතුලු නවතම අන්තර්ජාල තාක්‍ෂණයන් සඳහා සහාය
දෙ. මෙම තාක්‍ෂණයන් විශ්මිත වෙබ් අඩවි සහ වෙබ් යෙදුම් සඳහා පාදක වේ.
අන්තර්ජාල විශ්මය (Web O’ Wonder) වෙත ගොස් සංවර්ධකයින්ට දැන් නිර්මාණය
කළ හැකි විශ්මයජනක අන්තර්ජාල අත්දැකීම් විඳින්න.





Firefox 4 හි අලුතින් ඇත්තේ මොනවා ද?

මෙතෙක් එළිදැක් වූ වේගවත්ම Firefox නිකුතුව

ක්‍රියාකාරීත්වය : Firedox එහි පැරණි සංස්කරණ මෙන් හය ගුණයක් වේගවත් වේ.
වැඩිදියුණු කළ ආරම්භක හා පිටුපූරක කාලය, වේගවත් ජාල යෙදුම්
ක්‍රියාකාරීත්වය හා දෘඩාංග ත්වරණය (hardware accelerated) සහිත චිත්‍රණ
සමඟ Firefox දියුණු අන්තර්ක්‍රියාකාරී ජාල අඩවි සඳහා සකසා ඇත.

නවතම මුහුණත

යෙදුම් ටැබ: නිතර පිවිසෙන වෙබ් ඊමේල්, Twitter, Pandora සහ Flickr වැනි
අඩවි සඳහා නිෂ්චිත ඉඩක් ලබා දේ.

ටැබ වෙත මාරු වීම : නැවත නැවතත් ටැබ විවෘත කිරීමෙන් තොරව ඔබේ විශ්මිත
තීරුව භාවිතයෙන් ඕනෑම විවෘත ටැබයක් සොයා පහසුවෙන් මාරු වෙන්න.

පැනොරාමා: විශාල ටැබ් ගණනක් විවෘත කරමින් ගවේෂණයේ යෙදෙන විට කාලය ඉතිරි
කර ගැනීම සඳහා කළමණාකරනය කළ හැකි සමූහ තුලට ටැබ් ඇද දමන්න.

පුද්ගලික සහ ආරක්‍ෂිත සමකාලික කිරීම

Firefox Sync: පරිශීලකයාට පරිගණක සහ ජංගම දුරකතන ඔස්සේ විශ්මිත තීරු
(Awesome Bar) අතීතය, පිටු සලකුණු, විවෘත කළ ටැබ, මුරපද සහ පෝරම දත්ත.

වඩාත් රුචිකරණය කල හැකිය.

නව ඇඩෝන පාලකය: Firefox හි ක්‍රියාකාරීත්වය හා පෙනුම රුචිකරණය කිරීම සඳහා
වන 200,000ට අධික ඇඩෝන පහසුවෙන් ගවේෂණය කර ස්ථාපනයට ඉඩදෙයි.

පුද්ගලිකයි එමෙන්ම ආරක්‍ෂිතයි

Do Not Track: විශ්ව සම්මත Do Not Track විශේෂාංගය තුලින් පරිශීලකයන්ගේ
හැසිරීම් මත පදනම් වූ වෙලඳ ප්‍රචාරණයන්ගෙන් ආරක්‍ෂා කිරීම තුළින් Firefox
ජාලය තුළ ප්‍රමුඛත්වය දරයි.

Firefox ජාල සම්මත තුල ගලායෑම සැකසීම මගින් වෙනත් අය ඔබේ ගවේෂණ ඉතිහාසයට
ඇතුළුවීම අවහිර කිරීමෙන් සැමවිටම ඔබේ පුද්ගලිකත්වයට ප්‍රමුඛතාව ලබාදේ.

HTTP දැඩි ආරක්‍ෂිත ප්‍රවාහනය (HSTS): ස්වයංක්‍රීයව ආරක්‍ෂිත සබඳතා
ගොඩනංවා "අතර මැදි දත්ත අපහරණ (man in the middle)" ප්‍රහාර වලකා
පිවිසුම් ක්‍රියාවලි හීදී සංවේදී දත්ත සඳහා ආරක්‍ෂාව ලබාදෙයි.

අන්තර්ගත ආරක්‍ෂණ පිළිවෙත (CSP): නිවැරදි දත්ත කුමක්දැයි ගවේෂකයට පැවසීමට
වෙබ් අඩවි වලට ඉඩදීම තුළින් අන්තර්-ස්ක්‍රිප්ට ප්‍රහාර වලකයි.

වෙබ් අඩවි සංවර්ධකයින් සඳහා අති නවීන තාක්‍ෂණික උපාංග:

වැඩි පිටු පූරණ වේගයක් හා ජාල යෙදුම් හා ක්‍රීඩා සඳහා වැඩි
කාර්යක්‍ෂමතාවක් ලබාගැනීමට JavaScript එළවුම  නව JägerMonkey JIT
සම්පාදයක මෙන්ම දැනට පවතින TraceMonkey JIT  හා SpiderMonkey හි
පරිවර්ථකය සඳහාද සහාය දක්වයි.

Firefox මගින් ශ්‍රව්‍ය හා දෘශ්‍ය අත්දැකීම දියුණු කිරීම සඳහා කරන HTML5
සහාය දැක්වීමට දෘඩාංග ත්වරණය (hardware acceleration), හා
අධි-විස්තරාත්මක (high-definition) වීඩියෝ  (WebM), ත්‍රිමාණ චිත්‍රණ,
මාර්ගගත නොවන දත්ත ගබඩාව, වෘත්තීයමය අක්‍ෂර, ස්පර්ශ සංවේදී මුහුණත් හා
Mozilla Audio API සහායද අයත් වේ.

Firefox 4 විසින් CSS, Canvas හා SVG වැනි උපකරණ දියුණු කිරීම තුලින්
සංවර්ධකයන් හට අගනා වෙබ් පිටු නිර්මාණය කිරීමට ඉඩ දෙයි.

Adobe Flash, Apple QuickTime හෝ Microsoft silverlight ප්ලගින
බිඳවැටීමකදී Firefox විසින් නොබිඳෙන ගවේශනයක් ලබාදෙයි. එම ප්ලගින වලින්
එකක් බිඳ වැටීමකදී හෝ නැවතීමකදී, එය සෙසු Firefox වෙත බලනොපාන අතර
ප්ලගිනය නැවත ඇරඹීමට සරලව පිටුව ප්‍රථිපූර්ණය කරන්න.


Comments

  1. නමෝ විත්තියෙන්ම බාගත්තා....

    ReplyDelete
  2. මගේ වින්ඩෝස් 7 (32බිට්) තියෙන්නේ ෆයර්ෆොක්ස් 3.6 වල යුනිකොඩ් හොදට වැඩ කලත් මේ අළුත් 4 සංස්කරනයේ ඉස්පිලි පාපිලි ඓහෙ මෙහෙ වෙලා කැතට පේන්නේ. ඒක හදා ගන්නේ කොහොමද?

    ReplyDelete

Post a Comment

Popular posts from this blog

හේරත් ගෙදර ගියා

2008 වසරේ දිනක මධ්‍යම පළාත් තොරතුරු තාක්ශන පුහුණු මධ්‍යස්්ථානයේ පැවති දින 5ක නේවාසික වැඩසටහනක් අධ්‍යාපන අමාත්‍යාංශයෙන් දියත් කළා. මේක කළේ සුෙච්ත ඔව් අර අලුත්ගම සින් එකට තනියම පිකට් කළේ එයා තමයි. මේ වැඩසටහනට විවිධ ගුරු චරිත එක්ව සිටියා. ඒ අය විවිධ වු හැකියාවන් වගේම ගති ගුණ තිබු අය. හේරත් සර් ඔවුන් අතරින් කෙනෙක්. නඩේ ගුරා මෙරට ‘පරිගණකයක් භාවිතයෙන්’ රජයේ පාසලක පරිගණක අධ්‍යාපනය ලබා දේ නම් ඒ සැම පාසලකම වගේ තොරතුරු තාක්ශන ගුරුවරු මෙන්ම අධ්‍යාපන විද්‍යාපිඨ වල පිරිස් ද මේ හේරත් චරිතය අනිවාර්යෙන්ම දන්නව. මොකද පාසල් වල වාර්ශික පරිගණක නඩත්තුව සදහා රට වටා යන ගුරුවරුන් කිහිප දෙනාගෙන් කෙනෙක් මොහු. අැත්තටම මොහු ඒ ගමනේ නඩේ ගුරා කිවත් වැරදි නැ. කොට අදින අලි මේ පිරිස රටවටේ යමින් පැත්තකට විසි කර තිබු පරිගණකවලින් අඩකට වඩා සැම විටම යළි භාවිත කළ හැකි අයුරින් පිළිසකර කර දීමත්, පාසල් වලින් එන ගුරුවරුන් සහ දරුවන් සදහා තම දැණුම බෙදා දිමත් නොපැකිලව සිදු කරනව. නමුත් මේ මුදල් ඉතිරිය ඔබ මෙතෙක් නොදැන සිටියා විය හැක. බටා ගෙනව නේද? ඇත්තටම ගාල්ල අවට පුදගලික මට්ටමින් අප සංවිධානය කළ වැඩසටහන් ගණනාවකට නුවර සිට තම යතුරු …

ජාතිවාදය සහ අන්තර්ජාල නිදහස

තිස් වසරක යුද්ධයෙන බැටකැ රටක් ලෙස අමිහිරි අත් දැකීම් සහ කදුලු පිරිණු රටක් යළිත් ලේ විලක් බවට පරිවර්තනය වීම කිසී සේත්ම නොවිය යුත්තක්!

තම දේශපාලන, ව්‍යාපාරික සහ උද්ගලික අවශ්‍යතා සඳහා කෝටත් තෛලය ලෙස ජාතිවාදය ඈවිස්සීම අපේ රටේ සමහරක්ට සුලු දෙයක්.

අපි මොකක්ද බලා පොරොත්තු වෙන්නේ? සිංහල දෙමාපියන් යටතේ අපි ඉපදුන නිසා අපි අනෙක් ජාතීන්ට වෛර කරනවද?

මීට සති කිහිපයකට උඩ දී මේ දුපතේ ජනප්‍රිය පුවතක් වූයේ සිංගප්පුරු රජය තම අයවැයෙන් පසුව 2018 වසර සඳහා සිංගප්පුරූ ඩොලර් 300ක් බැගින් තම රට වැසියන්ට "Hongbao" නම් වූ බෝනස් එකක් ලෙස බෙදා දීමයි.

මෙහි දි සත්‍යලෙසම සිදු වූයේ වාර්ශික ආදායම සි.ඩොලර් 28,000ට අඩු නම් සි.ඩොලර් 300ද, වාර්ශික ආදායම සි.ඩොලර් 28,001 ත් - 100,000ත් අතර නම් සි.ඩොලර් 200  වාර්ශික ආදායම සි.ඩොලර් 100,000ට වැඩි නම් සි.ඩොලර් 100ක්ද ලෙසයි.
අපේ අය මේයට හේතුව ලෙස දැක්කේ සිංගප්පුරු රජයේ සියලුම අමාත්‍ය වරුන් උපාධි ධාරින් වීමයි.

එතකොට රටේ වෙන කිසිදු වෙනසක් නැද්ද?

සරලව පවසනවා නම් දෙවන ලෝක යුද්ධයේදි (1942-1945) ජපාන අධිරාජ්‍යා යටතට පත්වන සිංගප්පුරුව යුද්ධය අවසන් වෙත්ම බ්‍රිතාන්‍ය පාලනයටත්…

කණ්ඩියපිටවැව නාලන්දාවට වල් අලින්ගෙන් තෑග්ගක්

පසුගිය කාලයේ රටවටේ විවිධ වැඩසටහන් සඳහා එක් වුවත් ඊයේ පෙරෙදා උන සිදු වීම නම් ලියන්නම ඔන කියල හිතුනා.

කණ්ඩියපිටවැව, නාලන්දා පාසලට පසුගිය ජූලි 19 දින ගියේ මීට පෙර කිසි දිනෙක නොදුට පිරිසක් සමඟ..


උදේ පාන්දර 3.30ට පමණ ගෙදරින් පිටත්වෙලා, වල් අලි කරදර වලින් දුක්විදින ජනතාවගෙ ජීවන තත්ත්වය උසස් කිරීමට සහාය වන Born Free Foundation ආයතනයේ මිතුරන් සමඟ   කොළඹදි එක් විමෙන් අනතුරුව බලංගොඩ තණමල්විම මාර්ගයේ ගමන් කරන කොට හම්බවෙන හම්බේගමුව ප්‍රාදේශීය ලේකම් කාර්යයාලයට අයත් ප්‍රදේශයට අපි ලගා උනේ දවල් 1ත් පහුවෙද්දි. අපි යද්දි පාසල් වාර විභාගය ලියමින් සිටි ලමයි ගෙදර යන්න කලින් වදිනව.. එවගේම පොඩි පැංචො ටිකක් නම් ඒ වෙද්දිත් අපි එන අතරමග...



පාසලට ඇතුල් වන විටම ලැබුණු සිනා සංග්‍රහය


මේ වෙද්දි පරිගණක විද්‍යාගාරය (මෙය මුලින් ගොඩනගල තියෙන්නෙ පුස්තකාලයකට) විදුලිය ලබා දි තිබුනෙ නැ, එවගේම අවශ්‍ය අභ්‍යන්තර රැහැන් ඇදීමක්ද තිබුනෙ නැ.  පෙරෙදා පාසලෙ තිබුණු උත්සවේකදි කියවුනෙ ඒ ගොඩනැගිල්ලට ආණ්ඩුවෙන් 50,000ක මුදලක් ලැබුනත් ඉස්කොලෙ ලොකු සර්, ගුරුවරු, පාසල් ලමුන් සහ ගම්මු එකතු වෙලා තවත් බාහිර පිරිස් සමඟ මේ වැඩේ අහවර කරගෙන. …